{"id":21278,"date":"2026-05-07T22:19:31","date_gmt":"2026-05-07T22:19:31","guid":{"rendered":"https:\/\/myftinia-shkoder.org\/?p=21278"},"modified":"2026-05-07T22:19:31","modified_gmt":"2026-05-07T22:19:31","slug":"vizite-dhe-program-edukativ-me-nxenesit-e-mejtepeve-ne-xhamine-e-plumbit","status":"publish","type":"post","link":"https:\/\/myftinia-shkoder.org\/?p=21278","title":{"rendered":"Vizit\u00eb dhe program edukativ me nx\u00ebn\u00ebsit e mejtepeve n\u00eb xhamin\u00eb e Plumbit"},"content":{"rendered":"

Vizit\u00eb dhe program edukativ me nx\u00ebn\u00ebsit e mejtepeve n\u00eb xhamin\u00eb e Plumbit<\/strong><\/p>\n

N\u00eb kuad\u00ebr t\u00eb p\u00ebrkujtimit t\u00eb 1-vjetorit t\u00eb rihapjes s\u00eb xhamis\u00eb s\u00eb Plumbit pas rikonstruksionit t\u00eb saj, sektori i arsimit pran\u00eb Myftinis\u00eb Shkod\u00ebr organizoi, dit\u00ebn e enjte m\u00eb 7 maj 2026, nj\u00eb tjet\u00ebr aktivitet t\u00eb ve\u00e7ant\u00eb me pjes\u00ebmarrjen e nx\u00ebn\u00ebsve t\u00eb kurseve fetare nga Qendra Kulturore Oblik\u00eb, xhamia Velinaj dhe xhamia Zues.<\/p>\n

Aktiviteti nisi me pritjen e nx\u00ebn\u00ebsve t\u00eb mejtepeve dhe nj\u00eb vizit\u00eb n\u00eb ambientet e jashtme dhe t\u00eb brendshme t\u00eb xhamis\u00eb, ku ata u njoh\u00ebn nga af\u00ebr me vlerat historike, kulturore dhe shpirt\u00ebrore t\u00eb k\u00ebtij objekti t\u00eb r\u00ebnd\u00ebsish\u00ebm t\u00eb trash\u00ebgimis\u00eb islame.<\/p>\n

M\u00eb pas, programi vijoi me lexim nga Kur\u2019ani Fam\u00eblart\u00eb dhe recitime t\u00eb p\u00ebrzgjedhura nga nx\u00ebn\u00ebsit, duke krijuar nj\u00eb atmosfer\u00eb t\u00eb ngroht\u00eb edukative dhe shpirt\u00ebrore p\u00ebr t\u00eb gjith\u00eb t\u00eb pranishmit.<\/p>\n

N\u00eb fjal\u00ebn e tij p\u00ebrsh\u00ebndet\u00ebse, drejtuesi i arsimit pran\u00eb Myftinis\u00eb Shkod\u00ebr, teologu Arben Halluni, vler\u00ebsoi r\u00ebnd\u00ebsin\u00eb e vizit\u00ebs s\u00eb nx\u00ebn\u00ebsve n\u00eb k\u00ebt\u00eb simbol t\u00eb besimit dhe trash\u00ebgimis\u00eb fetare, duke theksuar rolin e xhamis\u00eb si vat\u00ebr e dijes, edukimit dhe formimit moral t\u00eb brezave t\u00eb rinj m\u00eb frym\u00ebn e v\u00ebrtet\u00eb islame.<\/p>\n

Gjithashtu, teologu Halluni shprehu fal\u00ebnderime t\u00eb ve\u00e7anta p\u00ebr t\u00eb gjith\u00eb pjes\u00ebmarr\u00ebsit, e n\u00eb m\u00ebnyr\u00eb t\u00eb posa\u00e7me p\u00ebr m\u00ebsuesen znj. Kimete Elezi dhe m\u00ebsuesin H. Nebi Alia, p\u00ebr p\u00ebrkushtimin e tyre n\u00eb edukimin e f\u00ebmij\u00ebve me vlerat e besimit dhe moralit.<\/p>\n

Pas faljes s\u00eb namazit t\u00eb iqindis\u00eb, aktiviteti vijoi me nj\u00eb qerasje simbolike dhe u p\u00ebrmbyll me nj\u00eb foto t\u00eb p\u00ebrbashk\u00ebt, si kujtim nga ky aktivitet i bukur p\u00ebrkujtimor.<\/p>\n