{"id":21318,"date":"2026-05-13T20:49:10","date_gmt":"2026-05-13T20:49:10","guid":{"rendered":"https:\/\/myftinia-shkoder.org\/?p=21318"},"modified":"2026-05-13T20:49:10","modified_gmt":"2026-05-13T20:49:10","slug":"perfundoi-me-sukses-programi-treditor-me-te-regjistruarit-per-haxhin-e-sivjetshem","status":"publish","type":"post","link":"https:\/\/myftinia-shkoder.org\/?p=21318","title":{"rendered":"P\u00ebrfundoi me sukses programi treditor me t\u00eb regjistruarit p\u00ebr Haxhin e sivjetsh\u00ebm"},"content":{"rendered":"

P\u00ebrfundoi me sukses programi treditor me t\u00eb regjistruarit p\u00ebr Haxhin e sivjetsh\u00ebm<\/strong><\/p>\n

Haxhi \u00ebsht\u00eb nj\u00eb prej pes\u00eb shtyllave t\u00eb fes\u00eb islame, q\u00eb t\u00ebrheq vit pas viti me miliona besimtar\u00eb nga mbar\u00eb bota, q\u00eb mblidhen s\u00eb bashku p\u00ebr kryerjen e ritualeve t\u00eb k\u00ebtij adhurimi shum\u00eb t\u00eb dashur p\u00ebr zemrat e besimtar\u00ebve.<\/p>\n

Edhe sivjet, Komuniteti Mysliman i Shqip\u00ebris\u00eb, ka organizuar regjistrimet e t\u00eb interesuarve nga krejt qytetet tona, q\u00eb me afrimin e muajit t\u00eb shenjt\u00eb Dhulhixhe b\u00ebhen gati t\u00eb nisen drejt vendeve t\u00eb shenjta.<\/p>\n

N\u00eb k\u00ebt\u00eb frym\u00eb, Myftinia Shkod\u00ebr, gjat\u00eb periudh\u00ebs 11-13 maj 2026, zhvilloi programin e trajnimit t\u00eb grupit t\u00eb besimtar\u00ebve musliman\u00eb nga Shkodra, q\u00eb kan\u00eb kryer procedurat e regjistrimit p\u00ebr Haxhin e sivjetsh\u00ebm.<\/p>\n

Programi i trajnimit i dit\u00ebs s\u00eb sotme u hap nga teologu Arben Halluni, i cili foli p\u00ebr r\u00ebnd\u00ebsin\u00eb, vler\u00ebn shpirt\u00ebrore dhe mesazhin q\u00eb p\u00ebrcjell Haxhi n\u00eb jet\u00ebn e besimtarit musliman\u00eb.<\/p>\n

P\u00ebr gjat\u00eb k\u00ebtyre tri dit\u00ebve, u zhvilluan disa seanca informuese, me shpjegimin e ritualeve t\u00eb Haxhit, me pyetje-p\u00ebrgjigje e njohuri q\u00eb i sh\u00ebrbejn\u00eb grupit t\u00eb haxhiler\u00ebve t\u00eb k\u00ebtij viti.<\/p>\n

U shfaq\u00ebn edhe dy dokumentar\u00eb t\u00eb p\u00ebrgatitur nga Myftinia Shkod\u00ebr, p\u00ebr t\u00eb nxjerr\u00eb n\u00eb pah vlerat e Ujit Zemzem dhe mir\u00ebsit\u00eb e Medines s\u00eb Ndri\u00e7uar.<\/p>\n

N\u00eb p\u00ebrmbyllje, t\u00eb k\u00ebtij trajnimi pati edhe nj\u00eb p\u00ebrsh\u00ebndetje nga p\u00ebrfaq\u00ebsuesi\u00a0 i Komunitetit Mysliman t\u00eb Shqip\u00ebris\u00eb, z. Eriol Haxhiu, i cili tregoi p\u00ebr m\u00ebnyr\u00ebn dhe organizmin e Haxhit n\u00eb vitet e kaluara, por edhe p\u00ebr organizimin e b\u00ebr\u00eb p\u00ebr Haxhin e k\u00ebtij viti, si dhe uroi haxhiler\u00ebt p\u00ebr nj\u00eb udh\u00ebtim t\u00eb leht\u00eb dhe t\u00eb pranuar.<\/p>\n

Gjithashtu, sot u b\u00eb edhe shp\u00ebrndarja e materialeve t\u00eb Haxhit, broshura, ihram\u00ebt, vizat e Haxhit, kartat dhe udh\u00ebzimet e nevojshme p\u00ebr grupin e haxhiler\u00ebve t\u00eb Shkodr\u00ebs para nisjes drejt vendeve t\u00eb shenjta, t\u00eb cil\u00ebt do t\u00eb udh\u00ebhiqen nga H. Altin Nikshiqi.<\/p>\n