{"id":2210,"date":"2017-05-13T16:55:25","date_gmt":"2017-05-13T16:55:25","guid":{"rendered":"http:\/\/myftinia-shkoder.org\/?p=2210"},"modified":"2017-05-13T16:55:25","modified_gmt":"2017-05-13T16:55:25","slug":"myftiu-priti-raportuesin-e-posacem-per-lirine-e-fese-dhe-besimit-prane-okb","status":"publish","type":"post","link":"https:\/\/myftinia-shkoder.org\/?p=2210","title":{"rendered":"Myftiu priti Raportuesin e Posa\u00e7\u00ebm p\u00ebr Lirin\u00eb e Fes\u00eb dhe Besimit pran\u00eb OKB"},"content":{"rendered":"

Paradit\u00ebn e s\u00eb shtun\u00ebs, m\u00eb 13 maj 2017, Myftiu i Shkodr\u00ebs, Imam Muhamed B. Sytari, priti n\u00eb nj\u00eb takim t\u00eb p\u00ebrzem\u00ebrt Raportuesin e Posa\u00e7\u00ebm p\u00ebr Lirin\u00eb e Fes\u00eb dhe Besimit pran\u00eb Kombeve t\u00eb t\u00eb Bashkuara, z. Ahmed Shaheed, q\u00eb shoq\u00ebrohej edhe nga ekspertja p\u00ebr t\u00eb drejtat e njeriut, Maken Tzeggai.<\/p>\n

P\u00ebr rreth dy or\u00eb, ata diskutuan rreth \u00e7\u00ebshtjeve t\u00eb ndryshme q\u00eb kan\u00eb t\u00eb b\u00ebjn\u00eb me lirin\u00eb e fes\u00eb dhe besimit n\u00eb Shqip\u00ebri, p\u00ebr historikun e fes\u00eb islame n\u00eb vendin ton\u00eb, v\u00ebshtir\u00ebsit\u00eb e periudh\u00ebs s\u00eb komunizmit, rip\u00ebrt\u00ebritjen e liris\u00eb fetare pas vitit 1990, gjendjen aktuale t\u00eb bashk\u00ebsis\u00eb s\u00eb musliman\u00ebve, infrastruktur\u00ebn e besimit dhe zhvillimin e saj etj.<\/p>\n

Myftiu foli edhe p\u00ebr marr\u00ebdh\u00ebniet nd\u00ebrfetare, sikurse nuk la pa p\u00ebrmendur shtimin e element\u00ebve t\u00eb islamofobis\u00eb dhe t\u00eb laicizmit selektiv, q\u00eb krijojn\u00eb precedent\u00eb t\u00eb urrejtjes nd\u00ebrfetare, fal\u00eb edhe pap\u00ebrgjegjshm\u00ebris\u00eb t\u00eb shum\u00ebkujt, q\u00eb p\u00ebrpiqet n\u00eb nj\u00eb form\u00eb a nj\u00eb tjet\u00ebr kund\u00ebr vlerave komb\u00ebtare dhe atyre fetare n\u00eb vendin ton\u00eb.<\/p>\n

Myftiu e informoi Raportuesin e OKB-s\u00eb edhe mbi zhvillimin e arsimit fetar n\u00eb Shkod\u00ebr, duke nisur nga kurset fetare t\u00eb xhamive, medresen\u00eb dhe aktivitetet e larmishme, q\u00eb kan\u00eb p\u00ebr q\u00ebllim rritjen e nivelit t\u00eb besimit tek masat e gjera, sidomos tek moshat e reja.<\/p>\n

Myftiu theksoi se p\u00ebr m\u00eb shum\u00eb se 500 vjet, shqiptar\u00ebt kan\u00eb p\u00ebrqafuar n\u00eb mas\u00eb fen\u00eb islame, pa dhun\u00eb e shpat\u00eb, si\u00e7 theksojn\u00eb librat e historis\u00eb komuniste, sikurse tha se e sotmja e Shqip\u00ebris\u00eb p\u00ebrp\u00eblitet mes paradokseve t\u00eb m\u00ebdha, si ai i p\u00ebrqindjes s\u00eb lart\u00eb islame dhe aktualitetit t\u00eb mbushur me shum\u00eb prej veseve dhe fenomeve q\u00eb Islami i ndalon dhe i lufton.<\/p>\n

Raportuesi e pyeti Myftiun edhe mbi predikimet e dit\u00ebs s\u00eb xhuma n\u00eb xhamit\u00eb e Shkodr\u00ebs. Me k\u00ebt\u00eb rast, Myftiu tha se fokusi i hytbeve t\u00eb xhumas\u00eb p\u00ebrqendrohet tek besimi, morali, vet\u00ebdij\u00ebsimi i musliman\u00ebve p\u00ebr madh\u00ebshtin\u00eb e fes\u00eb, sikurse jepen edhe mesazhe q\u00eb lidhen drejtp\u00ebrs\u00ebdrejti me ruajtjen dhe forcimin e paqes sociale, harmonin\u00eb komunitare, distancimin nga \u00e7do tendenc\u00eb q\u00eb shpie drejt ekstremizmit dhe dhun\u00ebs etj.<\/p>\n

Ata diskutuan edhe p\u00ebr shum\u00eb \u00e7\u00ebshtje t\u00eb tjera me dobi dhe interes.<\/p>\n