{"id":22487,"date":"2026-10-26T08:30:04","date_gmt":"2026-10-26T08:30:04","guid":{"rendered":"https:\/\/myftinia-shkoder.org\/?p=22487"},"modified":"2026-10-25T21:25:19","modified_gmt":"2026-10-25T21:25:19","slug":"31-vjet-xhamia-e-re-ne-fushe-cele","status":"publish","type":"post","link":"https:\/\/myftinia-shkoder.org\/?p=22487","title":{"rendered":"31 vjet xhamia e re n\u00eb Fush\u00eb \u00c7el\u00eb!"},"content":{"rendered":"

31 vjet xhamia e re n\u00eb Fush\u00eb \u00c7el\u00eb!<\/strong><\/p>\n

M\u00eb 25 tetor 1995 p\u00ebrfundoi s\u00eb nd\u00ebrtuari xhamia e Fush\u00eb \u00c7el\u00ebs, e cila mori emrin \u201cEbu Bek\u00ebr\u201d sipas d\u00ebshir\u00ebs s\u00eb donatorit, familjes s\u00eb nderuar saudite Ez-Zamil dhe dakort\u00ebsis\u00eb t\u00eb Myftinis\u00eb Shkod\u00ebr.<\/p>\n

Lajmi i madh i hapjes s\u00eb xhamis\u00eb \u201cEbu Bek\u00ebr\u201d n\u00eb mes t\u00eb Shkodr\u00ebs n\u00eb vitin 1995 ishte padyshim ngjarja m\u00eb e r\u00ebnd\u00ebsishme e asaj kohe, edhe p\u00ebr faktin se n\u00eb qend\u00ebr t\u00eb veriut t\u00eb Shqip\u00ebris\u00eb u ngrit xhamia m\u00eb e madhe e koh\u00ebs, e cila do t\u2019i sh\u00ebrbente besimtar\u00ebve musliman\u00eb si nj\u00eb vat\u00ebr m\u00eb shum\u00eb e edukimit me vlerat dhe drit\u00ebn e udh\u00ebzimit islam.<\/p>\n

Vlen t\u00eb theksohet se xhamia \u201cEbu Bek\u00ebr\u201d u nd\u00ebrtua mbi vak\u00ebfin e njohur t\u00eb besimtarit dhe bamir\u00ebsit t\u00eb shquar shkodran, \u00c7el Zylyftari, l\u00ebn\u00eb vak\u00ebf q\u00eb n\u00eb vitin 1905.<\/p>\n

M\u00eb her\u00ebt n\u00eb k\u00ebt\u00eb vak\u00ebf, nd\u00ebr vite jan\u00eb nd\u00ebrtuar dhe rikonstruktuar edhe disa xhami t\u00eb tjera, n\u00eb p\u00ebrmasa m\u00eb t\u00eb vogla se xhamia aktuale, q\u00eb mban emrin e sahabiut m\u00eb t\u00eb shquar dhe besnikut t\u00eb Hz. Muhammedit (alejhis-selam), Hz. Ebu Bekrit (radijallahu anhu).<\/p>\n

N\u00eb k\u00ebto 31 vite n\u00eb xhamin\u00eb \u201cEbu Bek\u00ebr\u201d kan\u00eb sh\u00ebrbyer imamllar\u00eb, vaiz\u00eb, muezin\u00eb, hatib\u00eb dhe myderriz\u00eb t\u00eb ndrysh\u00ebm, t\u00eb cil\u00ebt brenda mund\u00ebsive t\u00eb tyre dhe hap\u00ebsirave t\u00eb krijuara, jan\u00eb p\u00ebrpjekur p\u00ebr t\u00eb dh\u00ebn\u00eb m\u00eb t\u00eb mir\u00ebn n\u00eb sh\u00ebrbim t\u00eb besimtar\u00ebve dhe qytetar\u00ebve shkodran\u00eb.<\/p>\n

N\u00eb k\u00ebt\u00eb 31 vjetor t\u00eb p\u00ebrkujtimit t\u00eb hapjes s\u00eb xhamis\u00eb s\u00eb madhe t\u00eb Shkodr\u00ebs, Myftinia Shkod\u00ebr ngre alarmin e madh t\u00eb grabitjes flagrante t\u00eb vak\u00ebfeve, nj\u00eb traum\u00eb dhe nj\u00eb gangren\u00eb vrastare, e cila vazhdon t\u00eb sh\u00ebnoj\u00eb gjurm\u00ebt e saj shkat\u00ebrrimtare n\u00eb shoq\u00ebrin\u00eb shqiptare<\/strong>, ndon\u00ebse kan\u00eb kaluar 36 vite nga r\u00ebnia e perdes s\u00eb hekurt t\u00eb komunizmit.<\/p>\n

Grabitja flagrante e vak\u00ebfit t\u00eb Fush\u00eb \u00c7el\u00ebs, q\u00eb tejkalon pragun e rrethimit aktual t\u00eb k\u00ebsaj xhamie, \u00ebsht\u00eb nj\u00eb betej\u00eb e pambyllur p\u00ebr Myftinin\u00eb e Shkodr\u00ebs dhe Komunitetin Mysliman t\u00eb Shqip\u00ebris\u00eb!<\/strong><\/p>\n

P\u00ebrpjekjet p\u00ebr t\u00eb \u00e7uar n\u00eb vend amanetin e t\u00eb par\u00ebve dhe p\u00ebr t\u00eb mbrojtur t\u00eb pac\u00ebnuar vak\u00ebfin e shenjt\u00eb t\u00eb musliman\u00ebve vazhdojn\u00eb n\u00eb t\u00eb gjitha format dhe m\u00ebnyrat legjitime n\u00eb bashk\u00ebpunim edhe me miq dhe v\u00ebllez\u00ebr anemban\u00eb bot\u00ebs, q\u00eb nga ana e tyre ndjekin me habi t\u00eb madhe dhe shqet\u00ebsim, rigrabitjen e vak\u00ebfeve dhe abuzimin sistematik t\u00eb institucioneve p\u00ebrgjegj\u00ebse!<\/p>\n

Myftinia Shkod\u00ebr uron besimtar\u00ebt musliman\u00eb t\u00eb Shkodr\u00ebs dhe t\u00eb mbar\u00eb Shqip\u00ebris\u00eb me rastin e p\u00ebrkujtimit t\u00eb k\u00ebsaj dite t\u00eb madhe dhe t\u00eb sh\u00ebnuar p\u00ebr bashk\u00ebsin\u00eb islame shqiptare.<\/p>\n