{"id":2946,"date":"2017-09-01T08:50:55","date_gmt":"2017-09-01T08:50:55","guid":{"rendered":"http:\/\/myftinia-shkoder.org\/?p=2946"},"modified":"2017-09-15T06:20:00","modified_gmt":"2017-09-15T06:20:00","slug":"allahu-ekber-fjala-kuptimplote-qe-zoteroi-festen-e-kurban-bajramit","status":"publish","type":"post","link":"https:\/\/myftinia-shkoder.org\/?p=2946","title":{"rendered":"Allahu Ekber, fjala kuptimplot\u00eb q\u00eb zot\u00ebroi fest\u00ebn e Kurban Bajramit"},"content":{"rendered":"

Q\u00eb n\u00eb or\u00ebt e para t\u00eb dit\u00ebs s\u00eb xhuma, m\u00eb 1 shtator 2017, besimtar\u00eb t\u00eb shumt\u00eb mysliman\u00eb, kan\u00eb mbushur sheshin pran\u00eb xhamis\u00eb \u201cEbu Bek\u00ebr\u201d\u00a0 p\u00ebr faljen e namazit t\u00eb sabahut dhe pjes\u00ebmarrjen n\u00eb ceremonit\u00eb e Kurban Bajramit t\u00eb k\u00ebtij vit.<\/p>\n

Si\u00e7 \u00ebsht\u00eb b\u00ebr\u00eb tradit\u00eb, n\u00eb var\u00ebsi t\u00eb kushteve t\u00eb motit, ceremonia e faljes s\u00eb Bajrameve zhvillohet jasht\u00eb xhamive dhe p\u00ebrkat\u00ebsisht n\u00eb Fush\u00eb \u00c7el\u00eb, pran\u00eb xhamis\u00eb s\u00eb madhe, \u201cEbu Bek\u00ebr\u201d.<\/p>\n

Pas faljes s\u00eb namazit t\u00eb sabahut n\u00ebn drejtimin e teologut Idmir Plaku, imam i xhamis\u00eb \u201cEbu Bek\u00ebr\u201d ka filluar edhe programi i ceremonis\u00eb s\u00eb k\u00ebsaj dite feste.<\/p>\n

Fillimisht teologu Arben Halluni b\u00ebri hapjen e ceremonis\u00eb, duke i uruar k\u00ebt\u00eb fest\u00eb t\u00eb madhe t\u00eb gjith\u00eb mysliman\u00ebve kudo q\u00eb ndodh\u00ebn dhe pastaj b\u00ebri edhe prezantimin e programit me rastin e fest\u00ebs s\u00eb Kurban Bajramit.<\/p>\n

N\u00eb k\u00ebt\u00eb program mbajt\u00ebn ligj\u00ebrata t\u00eb dobishme dhe me r\u00ebnd\u00ebsi teolog\u00ebt dhe imam\u00ebt e nderuar t\u00eb Shkodr\u00ebs, Adem Pizga, Idmir Plaku, Gilman Kazazi dhe Arben Halluni. P\u00ebrmes argumenteve dhe shembujve konkret\u00eb, imam\u00ebt e nderuar hodh\u00ebn drit\u00eb mbi mesazhet dhe m\u00ebsimet universale t\u00eb fes\u00eb islame dhe parimeve t\u00eb saj.<\/p>\n

Faljen e namazit t\u00eb Kurban Bajramit e drejtoi Lavdrim Hamja, sikurse mbajti edhe hytben e rastit.<\/p>\n

N\u00eb hytben e Kurban Bajramit, imami i xhamis\u00eb s\u00eb \u201cDy Vajzave, teologu Lavdrim Hamja, vuri theksin te r\u00ebnd\u00ebsia q\u00eb ka Nj\u00ebsimi i Allahut dhe mbajtja e besimit, duke u p\u00ebrqendruar se mbik\u00ebqyrja e Zotit t\u00eb Madh\u00ebruar \u00ebsht\u00eb p\u00ebrher\u00eb prezent dhe e vazhdueshme, ndaj \u00e7dolloj padrejt\u00ebsie dhe zullumi q\u00eb ndodh n\u00eb bot\u00eb.<\/p>\n

Dita e Kurban Bajramit, \u00ebsht\u00eb festa q\u00eb lidhet me kryerjen e ritualeve t\u00eb haxhit n\u00eb Mek\u00eb nga miliona besimtar\u00eb mysliman\u00eb t\u00eb ardhur prej t\u00eb kat\u00ebr an\u00ebve globit, duke d\u00ebshmuar harmonin\u00eb, barazin\u00eb, solidaritetin dhe vlerat e besimit, si nj\u00eb trup i vet\u00ebm.<\/p>\n