{"id":3243,"date":"2017-11-16T19:42:59","date_gmt":"2017-11-16T19:42:59","guid":{"rendered":"http:\/\/myftinia-shkoder.org\/?p=3243"},"modified":"2017-11-17T07:24:32","modified_gmt":"2017-11-17T07:24:32","slug":"perkujtohet-27-vjetori-i-xhumase-se-pare-pas-diktatures-komuniste","status":"publish","type":"post","link":"https:\/\/myftinia-shkoder.org\/?p=3243","title":{"rendered":"P\u00ebrkujtohet 27 vjetori i xhumas\u00eb s\u00eb par\u00eb pas diktatur\u00ebs komuniste"},"content":{"rendered":"

Mbr\u00ebmjen e s\u00eb enjtes, m\u00eb 16 n\u00ebntor 2017, Myftinia Shkod\u00ebr organizoi nje aktivitet p\u00ebrkujtimor, me rastin e dit\u00ebs historike t\u00eb 16 n\u00ebntorit 1990, kur tek Xhamia e Plumbit, qytetar\u00ebt e Shkodr\u00ebs, u tubuan bashkarisht p\u00ebr t\u00eb mundur frik\u00ebn dhe diktatur\u00ebn komuniste, q\u00eb p\u00ebr 23 vjet me radh\u00eb kishte ndaluar me ligj krejt aktivitetin fetar n\u00eb vend.<\/p>\n

\n

Aktiviteti p\u00ebrkujtimor, q\u00eb sivjet u zhvillua n\u00eb xhamin\u00eb e Tophan\u00ebs, kishte n\u00eb qend\u00ebr t\u00eb v\u00ebmendjes vler\u00ebsimin e k\u00ebsaj date n\u00ebp\u00ebrmjet d\u00ebshmive t\u00eb protagonist\u00ebve t\u00eb saj.<\/p>\n

Me shum\u00eb v\u00ebmendje dhe emocion, t\u00eb pranishmit ndoq\u00ebn d\u00ebshmit\u00eb e t\u00eb nderuarve, H. Xhelal Sokoli dhe H.\u00a0Mithat Myftija, t\u00eb cil\u00ebt hodh\u00ebn drit\u00eb rreth detajeve t\u00eb spikatura t\u00eb atyre dit\u00ebve.<\/p>\n

Gjat\u00eb fjal\u00ebs s\u00eb tij, H. Xhelal Sokoli, me gjith\u00eb mosh\u00ebn e thyer, tregoi p\u00ebr emocionet e m\u00ebdha, sidomos kur n\u00eb horizontet e mas\u00ebs s\u00eb panum\u00ebrt u shfaq Hafiz Sabri Ko\u00e7i, i veshur Hoxh\u00eb, si dhe momenti kur H. Vehbi Dani k\u00ebndoi ezanin e xhumas\u00eb.<\/p>\n

Nd\u00ebrsa H. Mithat Myftija, p\u00ebrtej d\u00ebshmive t\u00eb tij solli n\u00eb v\u00ebmendje realitetin e hidhur t\u00eb Xhamis\u00eb s\u00eb Plumbit, q\u00eb megjith\u00ebse \u00ebsh\u00eb monument kulture i klasit t\u00eb par\u00eb, mbetet n\u00eb gjendje t\u00eb mjer\u00eb.<\/p>\n

Aktiviteti mblodhi besimtar\u00eb t\u00eb xhamive, nx\u00ebn\u00ebs t\u00eb Medreses\u00eb, imam\u00eb t\u00eb xhamive dhe protagonist\u00eb t\u00eb dit\u00ebve t\u00eb para t\u00eb rim\u00ebk\u00ebmbjes, pas nj\u00eb persekutimi t\u00eb pashembullt.<\/p>\n

M\u00eb her\u00ebt, aktivitetin e p\u00ebrsh\u00ebndeti edhe Myftiu i Shkodr\u00ebs, Imam\u00a0Muhamed B. Sytari, q\u00eb dha edhe mesazhin e tij me k\u00ebt\u00eb rast.<\/p>\n