{"id":3789,"date":"2018-04-15T16:59:13","date_gmt":"2018-04-15T16:59:13","guid":{"rendered":"http:\/\/myftinia-shkoder.org\/?p=3789"},"modified":"2018-04-15T16:59:13","modified_gmt":"2018-04-15T16:59:13","slug":"myftiu-bashkebisedoi-me-nje-grup-studentesh-nga-danimarka","status":"publish","type":"post","link":"https:\/\/myftinia-shkoder.org\/?p=3789","title":{"rendered":"Myftiu bashk\u00ebbisedoi me nj\u00eb grup student\u00ebsh nga Danimarka"},"content":{"rendered":"

Paradit\u00ebn e s\u00eb diel\u00ebs, m\u00eb 15 prill 2018, Myftiu i Shkodr\u00ebs, Imam Muhamed B. Sytari, priti n\u00eb nj\u00eb takim t\u00eb p\u00ebrzem\u00ebrt nj\u00eb grup student\u00ebsh nga Roskilde University, nga Danimarka, t\u00eb cil\u00ebt kan\u00eb mb\u00ebrritur n\u00eb vendin ton\u00eb p\u00ebr t\u00eb zhvilluar nj\u00eb studim rreth realiteteve shqiptare, besimit, marr\u00ebdh\u00ebnieve nd\u00ebrfetare, familjes shqiptare, demokracis\u00eb, t\u00eb sotmes dhe t\u00eb ardhmes s\u00eb Shqip\u00ebris\u00eb.<\/p>\n

Gjat\u00eb bashk\u00ebbisedimit t\u00eb ngroht\u00eb, Myftiu iu p\u00ebrgjigj pyetjeve t\u00eb shumta t\u00eb vizitor\u00ebve t\u00eb tij. Ai theksoi se, shqiptar\u00ebt jan\u00eb nj\u00eb popull, q\u00eb e ka nd\u00ebrtuar identitetin e tij mbi besimin, bes\u00ebn, fjal\u00ebn e nderit dhe pun\u00ebn. Nj\u00ebkoh\u00ebsisht theksoi se, vlerat e harmonis\u00eb nd\u00ebrfetare mbeten nj\u00eb nd\u00ebr vlerat reale t\u00eb k\u00ebsaj shoq\u00ebrie.<\/p>\n

“Shqip\u00ebria \u00ebsht\u00eb nj\u00eb vend musliman, ku jetojn\u00eb edhe komunitete t\u00eb tjera fetare, n\u00eb paqe dhe harmoni, sepse, aty ku ka Islam t\u00eb v\u00ebrtet\u00eb dhe lexim serioz dhe t\u00eb urt\u00eb t\u00eb teksteve t\u00eb tij fetare, aty \u00ebsht\u00eb e garantuar harmonia fetare!”,- theksoi nd\u00ebr t\u00eb tjera Myftiu.<\/p>\n

Ai iu p\u00ebrgjigj edhe pyetjeve q\u00eb lidhen me familjen dhe tiparet e saj, ku theksoi se shqiptar\u00ebt jan\u00eb njer\u00ebz t\u00eb lidhur pas familjes s\u00eb madhe, ku respektohet dhe nderohet i pari i familjes, ku nderohet n\u00ebna dhe ku f\u00ebmij\u00ebt edukohen dhe arsimohen. Koh\u00ebve t\u00eb fundit, po d\u00ebgjohen thirrje p\u00ebr ta devijuar k\u00ebt\u00eb taban, p\u00ebr ta zvog\u00ebluar familjen shqiptare, p\u00ebr ta shqyer perden e turpit dhe p\u00ebr ta degraduar familjen shqiptare!<\/p>\n

Nj\u00ebkoh\u00ebsisht, Myftiu informoi vizitor\u00ebt e nderuar se, Islami th\u00ebrret drejt paqtimit t\u00eb rac\u00ebs njer\u00ebzore, fisnik\u00ebrimit t\u00eb njeriut dhe respektimit t\u00eb aft\u00ebsive t\u00eb tij dhe se, realitetet e sotme bot\u00ebrore t\u00eb ndezura n\u00eb dhun\u00eb, luftra, drog\u00eb e shthurje morale, d\u00ebshmojn\u00eb m\u00eb s\u00eb miri se, njeriu i sot\u00ebm e ka humbur busull\u00ebn e udh\u00ebzimit dhe se, kjo bot\u00eb ka nevoj\u00eb t\u00eb menj\u00ebhershme p\u00ebr t\u00eb kthyer zemr\u00ebn nga Krijuesi i saj!<\/p>\n

Ai tha se, p\u00ebrtej propagandave islamofobe, keqleximit dhe keqinterpretimit t\u00eb fes\u00eb islame, Kur’ani dhe traditat e Hz. Muhammedit (a.s.) mbeten objekt studimi dhe leximi me qet\u00ebsi, p\u00ebr t\u00eb gjetur rrug\u00ebt e udh\u00ebzimit dhe lart\u00ebsimit n\u00eb shkall\u00ebt e humanizmit.<\/p>\n