{"id":4068,"date":"2018-05-19T17:51:05","date_gmt":"2018-05-19T17:51:05","guid":{"rendered":"http:\/\/myftinia-shkoder.org\/?p=4068"},"modified":"2018-05-20T08:02:21","modified_gmt":"2018-05-20T08:02:21","slug":"aiitc-promovon-antologjine-e-thenieve-profetike-300-hadithe","status":"publish","type":"post","link":"https:\/\/myftinia-shkoder.org\/?p=4068","title":{"rendered":"AIITC promovon antologjin\u00eb e th\u00ebnieve profetike \u201c300 Hadithe\u201d"},"content":{"rendered":"

Festivali i leximit \u201cDit\u00ebnet\u00ebt e Librit\u201d, i organizuar me mb\u00ebshtetjen e Ministris\u00eb s\u00eb Kultur\u00ebs vijon veprimtarit\u00eb e tij n\u00eb Tiran\u00eb, n\u00eb mjediset e Muzeut Historik Komb\u00ebtar. N\u00eb dit\u00ebn e tij t\u00eb kat\u00ebrt stenda e AIITC e pranishme n\u00eb k\u00ebt\u00eb panair, zhvilloi promovimin e librit m\u00eb t\u00eb fundit t\u00eb botuar nga AIITC, i titulluar \u201c300 hadithe\u201d, t\u00eb autorit Muhamed Sytari, Myfti i zon\u00ebs s\u00eb Shkodr\u00ebs.<\/p>\n

N\u00eb ceremonin\u00eb e zhvilluar n\u00eb sall\u00ebn \u201cShpataraku\u201d t\u00eb MHK, mor\u00ebn pjes\u00eb teolog\u00eb, pedagog\u00eb, student\u00eb dhe dashamir\u00ebs t\u00eb librit. Takimin e hapi n\u00ebndrejtori i AIITC, Alban Kodra i cili i fal\u00ebnderoi t\u00eb pranishmit n\u00eb em\u00ebr t\u00eb Drejtorit t\u00eb AIITC Prof. As. Dr. Ramiz Zekaj p\u00ebr pjes\u00ebmarrjen e tyre. Si fillim ai prezantoi nj\u00eb p\u00ebrmbledhje t\u00eb historis\u00eb s\u00eb hadithit tek shqiptar\u00ebt, me autor\u00ebt m\u00eb t\u00eb njohur dhe veprat e tyre n\u00eb k\u00ebt\u00eb l\u00ebmi e deri n\u00eb dit\u00ebt e sotme. Nd\u00ebr ta ai p\u00ebrmendi mevludet, librat e dijetar\u00ebve Ibrahim Dalliu, Abdullah Z\u00ebmblaku, Vehbi Ismaili etj., si dhe botimet moderne t\u00eb veprave origjinale si \u201cSahih el-Buhari\u201d, \u201cSunen Ebu Davud\u201d, \u201cMuhtesar Sahih el-Buhari\u201d, \u201c40 hadithet e imam Neveviut\u201d dhe t\u00eb tjera botime.<\/p>\n

M\u00eb pas ai p\u00ebrshkroi shkurtimisht vijat e p\u00ebrgjithshme t\u00eb librit \u201c300 hadithe\u201d, duke e cil\u00ebuar at\u00eb nj\u00eb vep\u00ebr antologjike me perla profetike t\u00eb nxjerra prej detit t\u00eb paan\u00eb t\u00eb urt\u00ebsis\u00eb muhamedane. M\u00eb holl\u00ebsisht p\u00ebr k\u00ebt\u00eb lib\u00ebr foli teologu Lavdrim Hamja. Ai zb\u00ebrtheu mesazhet kryesore q\u00eb ka dashur t\u00eb p\u00ebrcjell\u00eb autori p\u00ebrmes saj, p\u00ebrshkroi metodologjin\u00eb e ndjekur n\u00eb p\u00ebrzgjedhjen dhe p\u00ebrkthimin e l\u00ebnd\u00ebs hadithore dhe vler\u00ebsoi eleganc\u00ebn e dizajnit q\u00eb synon ta afroj\u00eb lexuesin me p\u00ebrshpitrtshm\u00ebrin\u00eb q\u00eb p\u00ebrcjellin fjal\u00ebt profetike.<\/p>\n

Nd\u00ebrsa autori i vepr\u00ebs, imam Muhamed Sytari u foli t\u00eb pranishm\u00ebve p\u00ebr p\u00ebrvoj\u00ebn e tij me hadithin e Profetit Muhamed (a.s.). I nisur nga d\u00ebshira p\u00ebr t\u2019i sjell\u00eb lexuesit nj\u00eb lib\u00ebr q\u00eb t\u00eb p\u00ebrfaq\u00eboj\u00eb m\u00eb s\u00eb miri udh\u00ebzimin dhe shemb\u00eblltyr\u00ebn profetike,ai p\u00ebrzgjodhi nga vepra madhore \u201cEl-Xhami es-saghir\u201d me 10 mij\u00eb hadithe, 300 t\u00eb tilla. Ai u shpreh se \u00ebsht\u00eb munduar t\u00eb hartoj\u00eb nj\u00eb lib\u00ebr q\u00eb t\u00eb jet\u00eb i vlefsh\u00ebm p\u00ebr t\u2019u lexuar jo vet\u00ebm nga besimtar\u00ebt musliman\u00eb, por edhe nga jomusliman\u00ebt, sepse Profeti (a.s.) u d\u00ebrgua si m\u00ebshir\u00eb p\u00ebr t\u00eb gjith\u00eb njer\u00ebzit. P\u00ebr t\u00eb ilustruar q\u00ebndrimet e tij, ai u lexoi t\u00eb pranishm\u00ebve dhjet\u00eb hadithe nga krer\u00eb t\u00eb ndrysh\u00ebm t\u00eb librit, duke komentuar shkurtimisht kuptimin dhe mesazhet e tyre.<\/p>\n

N\u00eb p\u00ebrfundim, Kryetari i Bordit t\u00eb AIITC vler\u00ebsoi lart librin, duke e quajtur udh\u00ebzues q\u00eb t\u00eb \u00e7on n\u00eb destinacionin e duhur. Po ashtu, ai e cil\u00ebsoi leximin e tij t\u00eb domosdosh\u00ebm nga ana e t\u00eb gjith\u00ebve, ve\u00e7an\u00ebrisht p\u00ebr problemet q\u00eb po kalon shoq\u00ebria bashk\u00ebkohore. Pas vler\u00ebsimeve t\u00eb rastit nga t\u00eb pranishmit, ceremonia u mbyll me urimet m\u00eb t\u00eb mira p\u00ebr autorin q\u00eb pena e tij t\u00eb sjell\u00eb bukur n\u00eb gjuh\u00ebn ton\u00eb perla t\u00eb tjera nga fjal\u00ebt dhe m\u00ebsimet e Profetit t\u00eb M\u00ebshir\u00ebs. Nd\u00ebrkoh\u00eb pjes\u00ebmarr\u00ebsit u interesuan pran\u00eb stend\u00ebs s\u00eb AIITC, ku blen\u00eb me ulje k\u00ebt\u00eb botim t\u00eb vyer, n\u00eb muajin e bekuar t\u00eb Ramazanit.<\/p>\n

Nga: (www.aiitc.net)<\/em><\/p>\n