{"id":4109,"date":"2018-05-22T22:31:49","date_gmt":"2018-05-22T22:31:49","guid":{"rendered":"http:\/\/myftinia-shkoder.org\/?p=4109"},"modified":"2018-05-23T22:35:34","modified_gmt":"2018-05-23T22:35:34","slug":"myftiu-agjerimi-eshte-shprese-per-shoqerine","status":"publish","type":"post","link":"https:\/\/myftinia-shkoder.org\/?p=4109","title":{"rendered":"Myftiu: “Agj\u00ebrimi \u00ebsht\u00eb shpres\u00eb p\u00ebr shoq\u00ebrin\u00eb!”"},"content":{"rendered":"

N\u00eb nj\u00eb bashk\u00ebbisedim t\u00eb zhvilluar mbr\u00ebmjen e s\u00eb mart\u00ebs, m\u00eb 22 maj 2018, n\u00eb Star Plus Tv, Myftiu i Shkodr\u00ebs, Imam Muhamed B. Sytari foli p\u00ebr vlerat e Muajit Ramazan, si periudh\u00eb e ngjeshur adhurimesh dhe thirrjeje p\u00ebr ta d\u00ebshmuar shpirtin e besimit n\u00eb jet\u00eb.<\/p>\n

Myftiu iu p\u00ebrgjigj pyetjeve t\u00eb gazetarit Erzen Koperaj, duke nxjerr\u00eb n\u00eb pah mir\u00ebsit\u00eb e shumta q\u00eb ka agj\u00ebrimi n\u00eb vetvete, si adhurim, si dhe dobit\u00eb q\u00eb i vijn\u00eb shoq\u00ebris\u00eb, pjestar\u00ebt e s\u00eb cil\u00ebs angazhohen me vler\u00ebsimin e respektimin e Muajit Ramazan.<\/p>\n

“Nj\u00eb shoq\u00ebri e agj\u00ebrimit nuk \u00ebsht\u00eb shoq\u00ebri droge, alkooli, krimi e korrupsioni, prandaj qeverit\u00eb dhe institucionet duhet t\u00eb ndajn\u00eb buxhete t\u00eb caktuara p\u00ebr ta gjall\u00ebruar atmosfer\u00ebn e Ramazanit dhe p\u00ebr ta p\u00ebrhapur sa m\u00eb shum\u00eb frym\u00ebn e tij t\u00eb paqt\u00eb, aq m\u00eb shum\u00eb n\u00eb nj\u00eb vend me shumic\u00eb muslimane si Shqip\u00ebria!”, tha Myftiu.<\/p>\n

Gjithashtu, ai tha se po t\u00eb kemi nj\u00eb sondazh t\u00eb sakt\u00eb t\u00eb p\u00ebrqindjes s\u00eb agj\u00ebruesve n\u00eb rang komb\u00ebtar, sa m\u00eb e madhe t\u00eb jet\u00eb kjo p\u00ebrqindje, aq m\u00eb shpres\u00eb e bekime ka p\u00eb shoq\u00ebrin\u00eb. Dhe vijoi: “Agj\u00ebrimi e b\u00ebn individin t\u00eb fort\u00eb, mbart\u00ebs t\u00eb p\u00ebrgjegj\u00ebsive, nd\u00ebrtues t\u00eb jet\u00ebs, p\u00ebrballues t\u00eb sfidave me nj\u00eb shpirt t\u00eb pathyesh\u00ebm besimi! Agj\u00ebrimi \u00ebsht\u00eb shpres\u00eb p\u00ebr shoq\u00ebrin\u00eb, p\u00ebr kombin, p\u00ebr t\u00eb sotmen dhe t\u00eb ardhmen e njer\u00ebzimit!”.<\/p>\n

Myftiu ftoi besimtar\u00ebt q\u00eb ta ndajn\u00eb atmosfer\u00ebn e begat\u00eb t\u00eb Ramazanit me krejt shoq\u00ebrin\u00eb, sepse sikurse tha: “Ramazani \u00ebsht\u00eb Muaji i Kur’anit, q\u00eb th\u00ebrret: “O ju njer\u00ebz!”, prandaj mos ta mbyllim atmosfer\u00ebn e tij vet\u00ebm p\u00ebr vete; t\u00eb ftojm\u00eb t\u00eb af\u00ebrm e komshi, bashk\u00ebqytetar\u00eb e familjar\u00eb n\u00eb sofrat e iftarit, jo p\u00ebr t\u00eb ngr\u00ebn\u00eb e p\u00ebr t’u mburrur me menut\u00eb e tij, por p\u00ebr t\u00eb hapur zemrat e p\u00ebr t\u00eb shp\u00ebrndar\u00eb mir\u00ebsi e paqe, nga shpirti i k\u00ebtij besimi e k\u00ebsaj feje q\u00eb \u00ebsht\u00eb shpallur si m\u00ebshir\u00eb e paqe p\u00ebr gjith\u00ebsin\u00eb!”.<\/p>\n