{"id":4191,"date":"2018-06-05T23:36:11","date_gmt":"2018-06-05T23:36:11","guid":{"rendered":"http:\/\/myftinia-shkoder.org\/?p=4191"},"modified":"2018-06-07T10:52:59","modified_gmt":"2018-06-07T10:52:59","slug":"u-promovua-libri-e-verteta-e-hidhur-2-nga-shejkh-el-gazali","status":"publish","type":"post","link":"https:\/\/myftinia-shkoder.org\/?p=4191","title":{"rendered":"U promovua libri “E v\u00ebrteta e hidhur -2-” nga Shejkh El- Gazali"},"content":{"rendered":"

Dit\u00ebn e mart\u00eb, m\u00eb 5 qershor 2018, Myftinia Shkod\u00ebr organizoi promovimin e botimit m\u00eb t\u00eb ri me titull: “E v\u00ebrteta e hidhur -2-“, nga dijetari i shquar, Shejkh Muhammed El- Gazali, p\u00ebrkthyer n\u00eb shqip nga teologu Lavdrim Hamja.<\/p>\n

Aktivitetin e hapi teologu Arben Halluni, i cili pasi uroi t\u00eb pranishmit p\u00ebr prezenc\u00ebn e tyre, b\u00ebri nj\u00eb rezyme t\u00eb shkurt\u00ebr p\u00ebr librin n\u00eb fjal\u00eb dhe p\u00ebr kontributin e dijetar\u00ebve t\u00eb Ezheri Sherif, nd\u00ebr t\u00eb cil\u00ebt \u00ebsht\u00eb edhe Shejkh Muhamed El-Gazali.<\/p>\n

N\u00eb k\u00ebt\u00eb aktivitet ishte i pranish\u00ebm edhe kryetari Komunitetit Mysliman t\u00eb Shqip\u00ebris\u00eb, H. Sk\u00ebnder Bru\u00e7aj, i cili uroi besimtar\u00ebt e pranish\u00ebm p\u00ebr muajin e begat\u00eb t\u00eb Ramazanit dhe shprehu k\u00ebnaq\u00ebsin\u00eb e tij p\u00ebr k\u00ebt\u00eb takim t\u00eb p\u00ebrzem\u00ebrt me besimtar\u00ebt e nj\u00ebkoh\u00ebsisht k\u00ebnaq\u00ebsin\u00eb e promovimit t\u00eb nj\u00eb libri.<\/p>\n

M\u00eb pas e mori fjal\u00ebn Myftiu i Shkodr\u00ebs, Imam Muhamed Sytari, i cili pasi fal\u00ebnderoi p\u00ebrkthyesin Lavdrim Hamja, nd\u00ebr t\u00eb tjera tha: \u201cLibrin e ri e kam shfletuar koh\u00eb m\u00eb par\u00eb, kur po p\u00ebrgatitej p\u00ebr botim. Jemi ulur e kemi diskutuar gjat\u00eb p\u00ebr 38 temat e tij, t\u00eb p\u00ebrzgjedhura nga p\u00ebrkthyesi. Jan\u00eb tematika t\u00eb jet\u00ebs s\u00eb p\u00ebrditshme, q\u00eb ngacmojn\u00eb ymetin dhe bot\u00ebn mbar\u00eb. Tematika q\u00eb lidhen me ngritjen e nivelit t\u00eb hytbeve n\u00eb xhamit\u00eb tona, dilemat e nxitura nga orientalist\u00eb rreth ajeteve t\u00eb Kur\u2019anit dhe Hadithit, humanizmit, edukimit t\u00eb f\u00ebmij\u00ebve, mexhliset e dhikrit, kriza e shpirtmadh\u00ebsis\u00eb, etj.<\/p>\n

\u00cbsht\u00eb frym\u00ebzim i madh t\u00eb lexosh Shejkh Gazaliun, kur thot\u00eb: \u201cNuk konsiderohet kthim n\u00eb Islam t\u00eb shkruajm\u00eb mbi flamuj: \u201cAll-llahu ekber\u201d, por kthim n\u00eb Islam quhet t\u00eb mbushim zemrat me \u201cAll-llahu ekber\u201d dhe ta b\u00ebjm\u00eb At\u00eb (All-llahu ekber) motiv t\u00eb pun\u00ebve dhe q\u00ebllim t\u00eb jet\u00ebs son\u00eb!\u201d.<\/p>\n

Pastaj, foli edhe p\u00ebrkthyesi i librit, teologu Lavdrim Hamja, ku pasi dha nj\u00eb jet\u00ebshkrim t\u00eb shkurt\u00ebr rreth autorit, nd\u00ebr t\u00eb tjera tha: \u201cT\u00eb p\u00ebrkthesh kolos\u00eb t\u00eb m\u00ebdhenj dhe ve\u00e7an\u00ebrisht t\u00eb fush\u00ebs teologjike, si p.sh shejkh Muhamed El-Gazali nuk \u00ebsht\u00eb pun\u00eb e leht\u00eb. Ai kur shkruante ishte letrar i p\u00ebrsosur, Zoti (xh.sh) i kishte dhuruar retorik\u00eb dhe qart\u00ebsi, e cila b\u00ebnte p\u00ebr vete zemrat e lexuesve, saq\u00eb ashtu si\u00e7 e kan\u00eb th\u00ebn\u00eb edhe njer\u00ebz t\u00eb tjer\u00eb, sikur shejkh Gazali do t’i ishte kushtuar fush\u00ebs s\u00eb let\u00ebrsis\u00eb, ai do t\u00eb kishte arritur majat e saj\u201d.<\/p>\n

Gjithashtu p\u00ebrkthyesi Hamja tha se: \u201cLibri “E V\u00ebrteta e Hidhur -2-” i shejkh M.El-Gazalit \u00ebsht\u00eb vazhdim\u00ebsi e kolan\u00ebs s\u00eb tij me t\u00eb nj\u00ebjtin titull, ku n\u00eb pranver\u00ebn e vitit 2014, me mbar\u00ebsin\u00eb e Zotit, botova v\u00ebllimin e par\u00eb. Libri p\u00ebrmban artikuj t\u00eb dobish\u00ebm, q\u00eb autori i ka shkruar gjat\u00eb nj\u00eb periudhe kohore jo shum\u00eb t\u00eb shkurt\u00ebr. P\u00ebrmes k\u00ebtyre shkrimeve Shejkh Gazali i b\u00ebn nj\u00eb mbrojtje Islamit nga dy grupe njer\u00ebzish t\u00eb ndrysh\u00ebm, nj\u00ebri grup jan\u00eb mysliman\u00ebt me dije t\u00eb cek\u00ebt, t\u00eb cil\u00ebt e njollosin Islamin me di\u00e7ka q\u00eb ai nuk e ka, nd\u00ebrsa grupi tjet\u00ebr jan\u00eb armiq t\u00eb Islamit, q\u00eb p\u00ebrpiqen ta akuzojn\u00eb fen\u00eb me gj\u00ebra, q\u00eb edhe k\u00ebto nuk i p\u00ebrkasin dhe as nuk kan\u00eb lidhje me Islamin\u201d.<\/p>\n

Me rastin e k\u00ebtij promovimi, Myftinia Shkod\u00ebr shtroi edhe nj\u00eb iftar p\u00ebr t\u00eb pranishmit.<\/p>\n