{"id":423,"date":"2016-05-22T10:41:59","date_gmt":"2016-05-22T10:41:59","guid":{"rendered":"http:\/\/myftinia-shkoder.org\/?p=423"},"modified":"2016-05-24T10:49:12","modified_gmt":"2016-05-24T10:49:12","slug":"winterthur-nje-nate-e-madhe-qe-na-mbuloi-me-paqe","status":"publish","type":"post","link":"https:\/\/myftinia-shkoder.org\/?p=423","title":{"rendered":"Winterthur, nj\u00eb Nat\u00eb e Madhe q\u00eb na mbuloi me Paqe…"},"content":{"rendered":"

Mbr\u00ebmja q\u00eb kaloi, ishte nd\u00ebr m\u00eb t\u00eb bukurat dhe m\u00eb t\u00eb ve\u00e7antat e mbr\u00ebmjeve, q\u00eb ia vlen t\u00eb p\u00ebrmenden e t\u00eb kujtohen p\u00ebr mir\u00eb.<\/p>\n

Fillimisht, ishte Nata e Begat\u00eb e Gjysm\u00ebs s\u00eb Muajit Shaban, nj\u00eb nat\u00eb e sh\u00ebnuar p\u00ebr mir\u00ebsit\u00eb dhe bekimet hyjnore q\u00eb zbresin p\u00ebr besimtar\u00ebt dhe rrug\u00ebtuesit drejt Dashnis\u00eb s\u00eb past\u00ebr t\u00eb Krijuesit t\u00eb tan\u00ebsis\u00eb.<\/p>\n

\n

Nd\u00ebrkoh\u00eb, me k\u00ebt\u00eb rast, Qendra Kulturore Islame Winterthur, kishte organizuar nj\u00eb manifestim t\u00eb mrekulluesh\u00ebm, me nj\u00eb program t\u00eb pasur, plot emocione besimi e ndjenjash t\u00eb forta komb\u00ebtare e njer\u00ebzore.<\/p>\n

Ishte nj\u00eb mbr\u00ebmje, ku u nd\u00ebrthurr\u00ebn element\u00ebt e besimit me transparenc\u00ebn shpirt\u00ebrore, melodin\u00eb e z\u00ebrave t\u00eb \u00ebmb\u00ebl me Kur’an e ilahi, tekbiret dhe salavatet e f\u00ebmij\u00ebve t\u00eb xhamis\u00eb s\u00eb Winterthurit, recitimet dhe p\u00ebrsh\u00ebndetjet, namazi, takimet e urimet n\u00eb mesin e atyre qindra t\u00eb pranish\u00ebmve shqiptar\u00eb, t\u00eb ardhur nga qytete t\u00eb ndryshme t\u00eb Zvicr\u00ebs, por edhe nga Gjermania.<\/p>\n

Organizimi i k\u00ebsaj mbr\u00ebmjeje besimi m\u00eb b\u00ebri t\u00eb mendoj e t\u00eb ndjej nj\u00eb k\u00ebnaq\u00ebsi t\u00eb madhe, q\u00eb zakonisht p\u00ebrftohet gjat\u00eb mexhliseve t\u00eb dhikrit e lutjes, n\u00eb vizitat e njer\u00ebzve t\u00eb dijes e vendeve t\u00eb shenjta t\u00eb adhurimit…<\/p>\n

Salla e tubimit ngjante me nj\u00eb \u00e7ad\u00ebr t\u00eb madhe Arefati, ku t\u00eb pranishmit ishin p\u00ebrqendruar p\u00ebr t\u00eb marr\u00eb mir\u00ebsi e paqe, n\u00eb qet\u00ebsin\u00eb e shpirtrave t\u00eb tyre, n\u00eb atmosfer\u00ebn e nj\u00eb v\u00ebllaz\u00ebrie t\u00eb past\u00ebr islame, q\u00eb vet\u00ebm se t\u00eb lart\u00ebson e t\u00eb paqton p\u00ebrher\u00eb e m\u00eb shum\u00eb me krejt ambientin p\u00ebrreth, me veten e me tjetrin…<\/p>\n

P\u00ebr mua, ishte nj\u00eb k\u00ebnaq\u00ebsi dhe nder t\u00eb flisja nga pozita e Myftiut t\u00eb Shkodr\u00ebs, nga foltorja e instaluar para pjes\u00ebmarr\u00ebsve t\u00eb shumt\u00eb, n\u00eb dy katet e sall\u00ebs s\u00eb k\u00ebtij tubimi.<\/p>\n

Ligj\u00ebrimet mbi paqen dhe toleranc\u00ebn e Islamit dhe musliman\u00ebve, po b\u00ebhen p\u00ebrher\u00eb e m\u00eb shum\u00eb nj\u00eb shtys\u00eb, q\u00eb bota t\u00eb kuptoj\u00eb se rrug\u00ebtimet e gabuara n\u00eb qorrsokak\u00ebt e propagand\u00ebs islamofobe, sidomos n\u00eb per\u00ebndim dhe n\u00eb vendin ton\u00eb, jan\u00eb d\u00ebshtim i madh p\u00ebr prodhuesit real\u00eb t\u00eb s\u00eb keqes n\u00eb k\u00ebt\u00eb bot\u00eb.<\/p>\n

E p\u00ebrmenda edhe n\u00eb fjal\u00ebn time, se: “Ne si musliman\u00eb, bart\u00ebs t\u00eb amaneteve t\u00eb Paqes dhe vlerave t\u00eb harmonis\u00eb nd\u00ebrnjer\u00ebzore, ia kemi p\u00ebr borxh sot, All-llahut t\u00eb Madh\u00ebruar, fes\u00eb ton\u00eb, m\u00ebsimeve t\u00eb saj, Kur\u2019anit, Hz. Muhammedit (a.s), sahab\u00ebve e prij\u00ebsve tan\u00eb shekullor\u00eb, ta prezantojm\u00eb modelin e vlerave tona, me komunikimin elitar dhe paq\u00ebsor me cilindo prej krijesave t\u00eb All-llahut, duke e konsideruar v\u00eblla n\u00eb humaniz\u00ebm dhe duke dashur p\u00ebr t\u00eb at\u00eb q\u00eb duam p\u00ebr veten ton\u00eb!<\/p>\n

Ne bartim vlera, bartim dashnin\u00eb dhe frik\u00ebn e All-llahut me vete, jemi t\u00eb ftuar t\u00eb punojm\u00eb me vlerat e dijes s\u00eb past\u00ebr, jemi t\u00eb thirrur ta shfryt\u00ebzojm\u00eb koh\u00ebn, t\u00eb bashk\u00ebpunojm\u00eb thell\u00eb n\u00eb mes vete p\u00ebr forcimin e k\u00ebtij bekimi q\u00eb ne bartim n\u00eb vetvete, si m\u00eb t\u00eb shtrenjtin amanet, q\u00eb i \u00ebsht\u00eb dh\u00ebn\u00eb rac\u00ebs njer\u00ebzore nga Zoti i saj!”<\/p>\n

Tubimi i k\u00ebsaj Nate t\u00eb Madhe, ishte rrezatues i asaj \u00e7far\u00eb realisht jemi ne, besimtar\u00ebt, musliman\u00ebt, shqiptar\u00ebt besnik\u00eb t\u00eb Islamit shekullor, fes\u00eb s\u00eb baballar\u00ebve e gjysh\u00ebrve t\u00eb hersh\u00ebm…<\/p>\n

Imam Muhamed B. Sytari<\/strong><\/p>\n

Winterthur, 22 maj 2016<\/em><\/p>\n