{"id":4849,"date":"2018-10-05T22:27:32","date_gmt":"2018-10-05T22:27:32","guid":{"rendered":"http:\/\/myftinia-shkoder.org\/?p=4849"},"modified":"2018-10-06T04:40:55","modified_gmt":"2018-10-06T04:40:55","slug":"perjetime-haxhi-me-haxhileret-shkodrane-te-ketij-viti","status":"publish","type":"post","link":"https:\/\/myftinia-shkoder.org\/?p=4849","title":{"rendered":"\u201cP\u00ebrjetime Haxhi\u201d, me haxhiler\u00ebt shkodran\u00eb t\u00eb k\u00ebtij viti"},"content":{"rendered":"

Pasditen e s\u00eb xhumas\u00eb, m\u00eb 5 tetor 2018, Myftinia Shkod\u00ebr organizoi nj\u00eb aktivitet kushtuar haxhiler\u00ebve t\u00eb k\u00ebtij viti. Si nj\u00eb tradit\u00eb e p\u00ebrvitshme, ky takim u shoq\u00ebrua me emocione t\u00eb shumta, kujtime t\u00eb paharruara dhe mbresa t\u00eb ve\u00e7anta nga t\u00eb ftuarit.<\/p>\n

\n

I pranish\u00ebm n\u00eb k\u00ebt\u00eb aktivitet ishte edhe n\u00ebnkryetari i Komunitetit Mysliman t\u00eb Shqip\u00ebris\u00eb, z.\u00a0Lauren Luli, Myftiu i Mal\u00ebsis\u00eb s\u00eb Madhe, H.\u00a0Edmir Smajlaj, studiuesi islam nga Jordania, Dr. Xhemal Saferti, drejtori i Medreses\u00eb “Haxhi Sheh Shamia”, z.\u00a0Kujtim Dervishi, imam\u00eb t\u00eb xhamive, intelektual\u00eb dhe miq t\u00eb Myftinis\u00eb Shkod\u00ebr, q\u00eb nderuan haxhiler\u00ebt me urimet dhe mesazhet e tyre.<\/p>\n

N\u00eb fjal\u00ebn e rastit, Myftiu i Shkodr\u00ebs, Imam\u00a0Muhamed B. Sytari, pohoi se adhurimi i Haxhit t\u00eb sivjetsh\u00ebm ishte i mbushur me mesazhe, q\u00eb e lidhin Shkodr\u00ebn me vendet e shenjta, sikurse na nxisin t\u00eb mendojm\u00eb p\u00ebr bekimet e m\u00ebdha me t\u00eb cilat \u00ebsht\u00eb rrethuar jeta e jon\u00eb n\u00eb Islam.<\/p>\n

Myftiu lajm\u00ebroi t\u00eb pranishmit edhe p\u00ebr projektin e tij t\u00eb ri p\u00ebr botimin e nj\u00eb libri me sh\u00ebnimet dhe frym\u00ebzimet e k\u00ebtij udh\u00ebtimi t\u00eb paharruar t\u00eb k\u00ebtij viti.<\/p>\n

Aktivitetin e p\u00ebrsh\u00ebndet\u00ebn edhe n\u00ebnkryetari i KMSh-s\u00eb, Myftiu i Mal\u00ebsis\u00eb s\u00eb Madhe, Dr. Xhemal Saferti, teologu\u00a0Lavdrim Hamja\u00a0si dhe teologu\u00a0Ruzhdi Plangaj, q\u00eb dhan\u00eb mesazhe urimi dhe hodh\u00ebn drit\u00eb mbi vler\u00ebn e madhe q\u00eb ka Haxhi, si nj\u00ebra prej pes\u00eb shtyllave t\u00eb fes\u00eb ton\u00eb.<\/p>\n

N\u00eb mesazhet e tyre u vu theksi te ruajtja e shpirtit t\u00eb Haxhit dhe d\u00ebshmimi i k\u00ebsaj mir\u00ebsie t\u00eb madhe gjat\u00eb gjith\u00eb jet\u00ebs, sidomos n\u00eb marr\u00ebdh\u00ebnie me njer\u00ebzit e af\u00ebrm dhe shoq\u00ebrin\u00eb.<\/p>\n

N\u00eb nj\u00eb ligj\u00ebrat\u00eb t\u00eb posa\u00e7me, teologu\u00a0Idmir Plaku, foli mbi emocionet dhe mbresat e tij nga Haxhi i sivjetsh\u00ebm. Me nj\u00eb gjuh\u00eb t\u00eb pasur me drit\u00eb kujtimesh, ai dhuroi emocione t\u00eb shumta, q\u00eb e zbukuruan k\u00ebt\u00eb aktivitet me p\u00ebrmendjen e disa prej stacioneve kryesore t\u00eb Haxhit 1439.<\/p>\n

N\u00eb fund, p\u00ebr t\u00eb pranishmit u shtrua nj\u00eb koktejl, ku t\u00eb ftuarit pat\u00ebn mund\u00ebsi t\u00eb ndajn\u00eb me nj\u00ebri-tjetrin kujtime dhe mbresa nga ky udh\u00ebtim i mrekulluesh\u00ebm besimi.<\/p>\n