{"id":7410,"date":"2019-11-15T18:35:48","date_gmt":"2019-11-15T18:35:48","guid":{"rendered":"http:\/\/myftinia-shkoder.org\/?p=7410"},"modified":"2019-11-15T18:35:54","modified_gmt":"2019-11-15T18:35:54","slug":"u-fal-e-xhumaja-perkujtimore-e-16-nentorit-ne-xhamine-e-plumbit","status":"publish","type":"post","link":"https:\/\/myftinia-shkoder.org\/?p=7410","title":{"rendered":"U fal e xhumaja p\u00ebrkujtimore e 16 n\u00ebntorit n\u00eb xhamin\u00eb e Plumbit"},"content":{"rendered":"\n

Dit\u00ebn e xhuma, m\u00eb 15 n\u00ebntor 2019, n\u00eb p\u00ebrkujtim t\u00eb 29 vjetorit t\u00eb rihapjes s\u00eb xhamis\u00eb s\u00eb Plumbit dhe sjelljes n\u00eb v\u00ebmendje t\u00eb dit\u00ebs s\u00eb paharruar t\u00eb 16 n\u00ebntorit 1990, Myftinia Shkod\u00ebr organizoi faljen e xhumas\u00eb p\u00ebrkujtimore t\u00eb k\u00ebsaj dite n\u00eb xhamin\u00eb e Plumbit.<\/p>\n\n\n\n

Besimtar\u00eb t\u00eb shumt\u00eb kishin ardhur p\u00ebr t\u00eb falur xhuman\u00eb e k\u00ebsaj jave n\u00eb xhamin\u00eb e Plumbit, si p\u00ebr t\u00eb d\u00ebshmuar mir\u00ebsin\u00eb dhe bekimet e asaj dite t\u00eb paharruar p\u00ebr memorien ton\u00eb komb\u00ebtare.<\/p>\n\n\n\n

Hytbeja e k\u00ebsaj xhumaje u mbajt nga Myftiu i Shkodr\u00ebs, Imam Muhamed B. Sytari<\/a>, i cili u p\u00ebrqendrua tek mesazhet e k\u00ebsaj ngjarjeje dhe r\u00ebnd\u00ebsin\u00eb q\u00eb ka p\u00ebrkujtimi i datave t\u00eb sh\u00ebnuara t\u00eb historis\u00eb son\u00eb komb\u00ebtare.<\/p>\n\n\n\n

Myftiu e cil\u00ebsoi dit\u00ebn e 16 n\u00ebntorit 1990, si dit\u00eb e \u00c7lirimit t\u00eb Madh t\u00eb popullit shqiptar nga terrori komunist dhe p\u00ebrpjekja e d\u00ebshp\u00ebruar p\u00ebr t\u00eb fshir\u00eb besimin nga zemrat dhe jeta e njer\u00ebzve.<\/p>\n\n\n\n

Myftiu vler\u00ebsoi frym\u00ebn e atyre dit\u00ebve, ku i madh dhe i vog\u00ebl ishin aty, p\u00ebr t\u00eb mund\u00ebsuar d\u00ebshmimin e thirrjes s\u00eb shpirtit t\u00eb liruar nga prangat dhe vargonjt\u00eb e periudh\u00ebs m\u00eb t\u00eb err\u00ebt t\u00eb historis\u00eb son\u00eb komb\u00ebtare.<\/p>\n\n\n\n

Nj\u00ebkoh\u00ebsisht Myftiu tha se, ka shum\u00eb r\u00ebnd\u00ebsi t\u00eb pyesim se ku jemi sot, kur akoma nuk jan\u00eb liruar vak\u00ebfet, sikurse ka nj\u00eb neglizhenc\u00eb t\u00eb theksuar institucionale p\u00ebr zgjidhjen e \u00e7\u00ebshtjes s\u00eb pronave t\u00eb musliman\u00ebve shqiptar\u00eb. Poashtu tha se, akoma sot, l\u00ebnda e edukat\u00ebs fetare nuk ka hyr\u00eb n\u00eb kurrikulat e arsimit shqiptar, p\u00ebrtej demagogjis\u00eb s\u00eb qeveris\u00eb. Poashtu p\u00ebrmendi mosvler\u00ebsimin e duhur t\u00eb objekteve t\u00eb trash\u00ebgimis\u00eb islame, t\u00eb cilat jan\u00eb n\u00ebp\u00ebrk\u00ebmbur, nj\u00ebsoj si xhamia e Plumbit, a edhe m\u00eb keq.<\/p>\n\n\n\n

Myftiu tha se, akoma sot nuk ka nj\u00eb ligj kund\u00ebr deskriminimit p\u00ebr shkak t\u00eb besimit, kund\u00ebr islamofobis\u00eb dhe nxitjes s\u00eb urrejtjes nd\u00ebrfetare, sikurse theksoi se laicizmit selektiv i ndjehet era e keqe prej kilometra larg!<\/p>\n\n\n\n

Ai k\u00ebrkoi q\u00eb besimtar\u00ebt t\u00eb luten p\u00ebr shpirtin e Hafiz Sabri Ko\u00e7it dhe bashk\u00ebpun\u00ebtor\u00ebve t\u00eb tij, sikurse tha se shoq\u00ebria duhet t\u00eb ngrihet p\u00ebr t\u00eb mos e pranuar zullumin, korrupsionin dhe t\u00eb keqen, q\u00eb p\u00ebrhapet kudo dita-dit\u00ebs!<\/p>\n\n\n\n