{"id":7533,"date":"2019-12-01T19:38:37","date_gmt":"2019-12-01T19:38:37","guid":{"rendered":"http:\/\/myftinia-shkoder.org\/?p=7533"},"modified":"2019-12-02T20:06:21","modified_gmt":"2019-12-02T20:06:21","slug":"myftiu-mori-pjese-ne-mevludin-e-xhamise-buhara-ne-sulgen-te-zvicres","status":"publish","type":"post","link":"https:\/\/myftinia-shkoder.org\/?p=7533","title":{"rendered":"Myftiu mori pjes\u00eb n\u00eb Mevludin e Xhamis\u00eb “Buhara” n\u00eb Sulgen t\u00eb Zvicr\u00ebs"},"content":{"rendered":"

Mbr\u00ebmjen e s\u00eb shtun\u00ebs, m\u00eb 30 n\u00ebntor 2019, n\u00eb nj\u00eb atmosfer\u00eb t\u00eb mrekullueshme besimi dhe v\u00ebllaz\u00ebrie islame, Xhamia “Buhara” n\u00eb Sulgen t\u00eb Zvicr\u00ebs organizoi nj\u00eb program fetar me rastin e p\u00ebrkujtimit t\u00eb Lindjes s\u00eb Begat\u00eb t\u00eb Hz. Muhammedit (a.s.).<\/p>\n

Programi, q\u00eb zgjati mbi tre or\u00eb, ishte i mbushur me mesazhe t\u00eb forta besimi, harmonie, solidariteti e dashurie p\u00ebr t\u00eb d\u00ebrguarin e All-llahut (xh.sh.).<\/p>\n

Nj\u00eb mesazh i ngroht\u00eb e plot emocion ishte edhe ai i Hoxh\u00ebs\u00a0Amet Memeti<\/a>, imam i xhamis\u00eb “Buhara”, i cili vuri theksin tek r\u00ebnd\u00ebsia q\u00eb ka nxitja dhe p\u00ebrhapja e dashnis\u00eb p\u00ebr Resulull-llahun (a.s.) n\u00eb jet\u00ebn e muslimanit.<\/p>\n

Ai lexoi edhe disa nga vargjet e bukura t\u00eb Burdes s\u00eb Imam Busirit, vargje q\u00eb lexohen p\u00ebrher\u00eb me shum\u00eb emocion e nderim p\u00ebr m\u00eb t\u00eb mirin e krijesave t\u00eb Zotit.<\/p>\n

Hoxha i nderuar u lut edhe p\u00ebr viktimat e t\u00ebrmeteve t\u00eb Shqip\u00ebris\u00eb dhe theksoi se dhimbja e shkaktuar nga t\u00ebrmetet e dit\u00ebve t\u00eb fundit na ka prekur t\u00eb gjith\u00ebve dhe krejt jemi t\u00eb ftuar t\u00eb solidarizohemi e t\u00eb ndihmojm\u00eb me sa t\u00eb kemi mund\u00ebsi.<\/p>\n

I ftuar special i k\u00ebtij Mevludi ishte edhe Myftiu i Shkodr\u00ebs, Imam Muhamed B. Sytari, i cili mbajti nj\u00eb ligj\u00ebrat\u00eb mbi r\u00ebnd\u00ebsin\u00eb e tubimeve t\u00eb Mevludit Sherif\u00eb, vler\u00ebn e madhe q\u00eb kan\u00eb k\u00ebto tubime t\u00eb Thirrjes Islame dhe domosdoshm\u00ebrin\u00eb e ruajtjes s\u00eb k\u00ebtyre traditave t\u00eb dobishme islame, q\u00eb mbajn\u00eb t\u00eb gjall\u00eb p\u00ebrkujtimin e Hz. Muhammedit (a.s.).<\/p>\n

Myftiu tha se: “Sfida e jon\u00eb \u00ebsht\u00eb angazhimi p\u00ebr t\u00eb d\u00ebshmuar bot\u00ebrisht se jemi ymeti i tij (a.s.), me m\u00ebshir\u00ebn ton\u00eb p\u00ebr krijesat e Zotit, me humanizmin ton\u00eb duke dashur p\u00ebr tjetrin at\u00eb q\u00eb duam p\u00ebr veten ton\u00eb, me modestin\u00eb ton\u00eb, me vullnetin p\u00ebr t\u00eb b\u00ebr\u00eb mir\u00eb e p\u00ebr t\u00eb mbjellur mir\u00ebsi e paqe kudo e me k\u00ebdo!<\/p>\n

Sfida e jon\u00eb \u00ebsht\u00eb leximi i drejt\u00eb dhe me urt\u00ebsi i teksteve t\u00eb urta t\u00eb Resulull-llahut (a.s.), duke i kuptuar si duhet, duke u p\u00ebrpjekur p\u00ebr t\u2019i kthyer n\u00eb natyr\u00eb t\u00eb q\u00ebndrueshme e shembull, q\u00eb lexohet n\u00eb sjelljen ton\u00eb edhe nga t\u00eb tjer\u00ebt, duke mos paragjykuar e mos p\u00ebrbuzur njeri, kushdo qoft\u00eb ai.<\/p>\n

Pyete veten: A e njoh un\u00eb Resulull-llahun (a.s.), shembullin e tij, moralin dhe m\u00ebshir\u00ebn e tij? A jam un\u00eb pasuses i sinqert\u00eb i traditave t\u00eb tij, apo tekanjoz n\u00eb p\u00ebrzgjedhjen e asaj q\u00eb vjen nga i D\u00ebrguari (a.s.), p\u00ebr t\u00eb cil\u00ebn, Zoti i gjith\u00ebsis\u00eb ka urdh\u00ebruar: \u201c\u00c7ka t’ju jap\u00eb Pejgamberi, at\u00eb merreni, e \u00e7ka t’ju ndaloj\u00eb, p\u00ebrmbajuni dhe kini frik\u00eb All-llahun\u201d.<\/p>\n

Sot, secili prej nesh \u00ebsht\u00eb i ftuar t\u00eb b\u00ebhet pjes\u00eb e k\u00ebsaj thirrjeje t\u00eb begat\u00eb islame; t\u00eb shkoj\u00eb pas t\u00eb D\u00ebrguarit t\u00eb All-llahut, thirrja e t\u00eb cilit ishte e mbushur plot m\u00ebshir\u00eb e humaniz\u00ebm, plot drejt\u00ebsi e toleranc\u00eb, plot drit\u00eb e dije, plot nxitje p\u00ebr p\u00ebrparim dhe lutje p\u00ebr ata q\u00eb sjellin risi t\u00eb dobishme p\u00ebr shoq\u00ebrin\u00eb!<\/p>\n

Sot, n\u00ebp\u00ebrmjet tubimeve t\u00eb paqta t\u00eb p\u00ebrkujtimit t\u00eb Resulull-llahut (a.s), na jepet mund\u00ebsia p\u00ebr t\u00eb thirrur me zem\u00ebr: UDH\u00cbZIMI YT, RRUGA IME..!”.<\/p>\n

Aktivitetin e p\u00ebrsh\u00ebndeti edhe imami i xhamis\u00eb s\u00eb qytetit Wil, H. Bekim Alimi, nj\u00ebkoh\u00ebsisht kryetar i DIGO (Federata e Musliman\u00ebve n\u00eb Zvicr\u00ebn Lindore).<\/p>\n

Kjo mbr\u00ebmje e begat\u00eb u pasurua edhe nga ilahit\u00eb dhe leximet e ajeteve t\u00eb ndryshme kur’anore nga H. Daut Lezi dhe H. Muhsin Sulejman, paraqitja e t\u00eb cil\u00ebve dhuroi emocione t\u00eb paharrueshme.<\/p>\n