{"id":7775,"date":"2020-02-21T19:05:10","date_gmt":"2020-02-21T19:05:10","guid":{"rendered":"http:\/\/myftinia-shkoder.org\/?p=7775"},"modified":"2020-02-22T19:08:11","modified_gmt":"2020-02-22T19:08:11","slug":"myftiu-islami-erdhi-si-bekim-per-boten","status":"publish","type":"post","link":"https:\/\/myftinia-shkoder.org\/?p=7775","title":{"rendered":"Myftiu: “Islami erdhi si bekim p\u00ebr bot\u00ebn!”"},"content":{"rendered":"

Nga xhamia e rikonstruktuar e fshatit Ganjoll\u00eb, dit\u00ebn e xhuma, m\u00eb 21 shkurt 2020, Myftiu i Shkodr\u00ebs, Imam Muhamed B. Sytari, dha mesazhin e jav\u00ebs nga minberi i xhumas\u00eb, duke u fokusuar tek p\u00ebrshkrimi i xhennetit dhe nxitja q\u00eb feja islame i b\u00ebn besimtar\u00ebve musliman\u00eb p\u00ebr ta nd\u00ebrtuar k\u00ebt\u00eb jet\u00eb me virtyte e mir\u00ebsi.<\/p>\n

\n

“Nj\u00eb njeri q\u00eb punon p\u00ebr xhennetin e Zotit t\u00eb tij, \u00ebsht\u00eb nj\u00eb njeri i disiplinuar me Zotin e tij! \u00cbsht\u00eb njeri i rregullt n\u00eb marr\u00ebdh\u00ebnie me urdh\u00ebresat dhe ndalesat e All-llahut t\u00eb Madh\u00ebruar! \u00cbsht\u00eb njeri korrekt me jet\u00ebn, korrekt me tjetrin, korrekt n\u00eb familje, korrekt n\u00eb shoq\u00ebri, korrekt n\u00eb pun\u00ebn e tij, njeri prej t\u00eb cilit nuk del vet\u00ebm se e mira! Njeri i past\u00ebr, njeri i ndersh\u00ebm, njeri i komunikuesh\u00ebm me t\u00eb tjer\u00ebt, njeri bamir\u00ebs, njeri solidar me ata q\u00eb kan\u00eb nevoj\u00eb! Pra, cil\u00ebsit\u00eb m\u00eb t\u00eb mira q\u00eb mund t\u00eb ekzistojn\u00eb n\u00eb k\u00ebt\u00eb bot\u00eb, jan\u00eb cil\u00ebsit\u00eb e atyre personave, t\u00eb cil\u00ebt n\u00eb dit\u00ebn e gjykimit do t\u00eb meritojn\u00eb shp\u00ebrblimet e m\u00ebdha nga Zoti i gjith\u00ebsis\u00eb! E, n\u00ebse ne k\u00ebrkojm\u00eb, lexojm\u00eb e hulumtojm\u00eb p\u00ebr k\u00ebto cil\u00ebsi, do t’i gjejm\u00eb n\u00eb Kur’anin Fam\u00eblart\u00eb, q\u00eb udh\u00ebzon drejt m\u00eb t\u00eb mir\u00ebs! Dhe i cili, n\u00eb nj\u00eb hark kohor prej 23 vitesh, ndryshoi rrjedh\u00ebn e nj\u00eb populli t\u00eb shthurrur e t\u00eb devijuar dhe i b\u00ebri t\u00eb ishin: “populli m\u00eb i mir\u00eb i krejt njer\u00ebzve”! M\u00eb i miri popull i historis\u00eb s\u00eb njer\u00ebzimit!<\/p>\n

Nga k\u00ebtu, pyetja q\u00eb duhet t’i drejtojm\u00eb vetes sot, edhe ne shqiptar\u00ebt q\u00eb e kemi p\u00ebrqafuar Islamin, \u00ebsht\u00eb: Po t\u00eb b\u00ebjm\u00eb nj\u00eb krahasim n\u00eb mesin e 23 viteve t\u00eb transformimit t\u00eb arab\u00ebve dhe, viteve e dekadave t\u00eb marr\u00ebdh\u00ebnies ton\u00eb me Islamin, a jemi ne n\u00eb fakt korrekt me Islamin ton\u00eb? A e kemi perceptuar dhe kuptuar si duhet k\u00ebt\u00eb Islam, p\u00ebr t\u00eb na nxjerr\u00eb nga err\u00ebsira n\u00eb drit\u00eb? A e kemi p\u00ebrvet\u00ebsuar ne k\u00ebt\u00eb Islam p\u00ebr t\u00eb jetuar si njer\u00ebz, q\u00eb e duan All-llahun n\u00eb \u00e7do vep\u00ebr prej veprave t\u00eb tyre? Apo kemi marr\u00eb dhe vazhdojm\u00eb t\u00eb marrim nga Islami yn\u00eb vet\u00ebm pamjen e jashtme? Dhe, a vlen pamja e jashtme e fes\u00eb n\u00eb jet\u00ebn e p\u00ebrditshme, p\u00ebr t\u00eb garantuar mir\u00ebsin\u00eb dhe paqen e zemr\u00ebs dhe t\u00eb shpirtit, pastaj me t\u00eb tjer\u00ebt?! K\u00ebto jan\u00eb pyetje q\u00eb duhet t’ia drejtojm\u00eb vetes, her\u00eb pas here!” – tha nd\u00ebr t\u00eb tjera Myftiu.<\/p>\n