{"id":780,"date":"2016-07-01T16:10:26","date_gmt":"2016-07-01T16:10:26","guid":{"rendered":"http:\/\/myftinia-shkoder.org\/?p=780"},"modified":"2016-07-01T16:10:26","modified_gmt":"2016-07-01T16:10:26","slug":"mesazhe-nga-hytbeja-e-fundit-e-ramazanit-1437","status":"publish","type":"post","link":"https:\/\/myftinia-shkoder.org\/?p=780","title":{"rendered":"Mesazhe nga hytbeja e fundit e Ramazanit 1437"},"content":{"rendered":"

Dit\u00ebn e xhuma, m\u00eb 1 korrik 2016, Myftiu i Shkodr\u00ebs, Imam Muhamed B. Sytari, mbajti hytben e fundit t\u00eb Ramazanit 1437 n\u00eb xhamin\u00eb e Parruc\u00ebs.<\/p>\n

Myftiu u p\u00ebrqendrua tek dy mesazhe kryesore, ku theksoi se: “Pyetja q\u00eb del vetvetiu n\u00eb k\u00ebt\u00eb rast \u00ebsht\u00eb: A \u00ebsht\u00eb ymmeti islam sot ymmet me pesh\u00eb n\u00eb sken\u00ebn e shoq\u00ebrive bot\u00ebrore? A jeton ymmeti islam sot, mir\u00ebsit\u00eb dhe begatit\u00eb e unitetit, past\u00ebrtis\u00eb s\u00eb zemr\u00ebs ndaj nj\u00ebri-tjetrit? A \u00ebsht\u00eb ymmeti islam sot, diktues n\u00eb politikat globale?<\/p>\n

Besoj, se gjith\u00ebsecili prej nesh duhet t\u00eb shoh\u00eb brenda vetes s\u00eb tij, p\u00ebr t\u2019iu p\u00ebrgjigjur k\u00ebtyre pyetjeve. Shihni p\u00ebrreth jush, n\u00eb Shkod\u00ebr, n\u00eb Tiran\u00eb, n\u00eb Prishtin\u00eb, n\u00eb Shkup, n\u00eb \u00e7do trev\u00eb shqiptare. Sa pesh\u00eb kan\u00eb musliman\u00ebt n\u00eb realitetet e qyteteve dhe vendeve p\u00ebrkat\u00ebse?<\/p>\n

Ejani ta ngushtojm\u00eb rrethin: Sa \u00ebsht\u00eb ndjer\u00eb atmosfera e Ramazanit n\u00eb qytetet tona sivjet, n\u00eb sheshet me tavolina alkooli e muzik\u00eb pa limit, n\u00eb trotuaret plot zhveshje, ekstravaganc\u00eb e humbje kohe, n\u00eb fjalorin banal t\u00eb shum\u00eb t\u00eb rinjve krejt\u00ebsisht t\u00eb hutuar, n\u00eb mosvler\u00ebsimin e shpirtit t\u00eb Ramazanit n\u00eb shitblereje, n\u00eb restorante, por jo vet\u00ebm!? N\u00ebse ne nuk krijojm\u00eb traditat tona, q\u00eb na i udh\u00ebzon jeta fetare dhe identiteti islam, mos t\u00eb presim t\u00eb na i servirin t\u00eb tjer\u00ebt p\u00ebr sy e faqe!<\/p>\n

T\u00eb dashurit e mi,<\/p>\n

Ka ardhur koha q\u00eb gjith\u00ebsecili prej nesh t\u00eb kuptoj\u00eb si duhet, se nuk kemi gj\u00eb m\u00eb t\u00eb shtrenjt\u00eb e m\u00eb t\u00eb shenjt\u00eb n\u00eb jet\u00eb se fen\u00eb ton\u00eb dhe, se nuk kemi njeri m\u00eb af\u00ebr, m\u00eb shum\u00eb se nj\u00ebri-tjetrin. Me fjal\u00eb t\u00eb tjera, pa arritur n\u00eb grad\u00ebn e p\u00ebrjetimit t\u00eb frym\u00ebs \u201cmuslimani p\u00ebr muslimanin, si dora p\u00ebr dor\u00ebn\u201d, ne vet\u00ebm se humbim koh\u00eb me predikime e ligj\u00ebrata artificiale, q\u00eb nuk nd\u00ebrtojn\u00eb, por qarkullojn\u00eb n\u00eb rrethin e rutin\u00ebs!”<\/p>\n

Myftiu b\u00ebri edhe disa lajm\u00ebrime q\u00eb lidhen me sadekan\u00eb e fitrit, faljen e Fit\u00ebr Bajramit n\u00eb sheshin e Namazgjas\u00eb, bri xhamis\u00eb “Ebu Bek\u00ebr”, zekatin e haxhin e sivjetsh\u00ebm etj.<\/p>\n