{"id":7825,"date":"2020-03-06T20:53:37","date_gmt":"2020-03-06T20:53:37","guid":{"rendered":"http:\/\/myftinia-shkoder.org\/?p=7825"},"modified":"2020-03-07T10:13:43","modified_gmt":"2020-03-07T10:13:43","slug":"promovohet-libri-dialog-me-mikun-tim-ateist-i-autorit-dr-mustafa-mahmud","status":"publish","type":"post","link":"https:\/\/myftinia-shkoder.org\/?p=7825","title":{"rendered":"Promovohet libri: \u201cDialog me mikun tim ateist\u201d, i autorit Dr. Mustafa Mahmud"},"content":{"rendered":"

Pasditen e s\u00eb xhumas\u00eb, m\u00eb 6 mars 2020, n\u00eb ambientet e Grand Hotel Europa, Myftinia Shkod\u00ebr organizoi promovimin e librit \u201cDialog me mikun tim ateist”.<\/p>\n

Aktivitetin e hapi teologu Ervil Ku\u00e7i, i cili pasi i uroi t\u00eb pranishmit p\u00ebr pjes\u00ebmarrjen e tyre b\u00ebri nj\u00eb prezantim t\u00eb shkurt\u00ebr t\u00eb librit \u201cDialog me mikun tim ateist\u201d, i autorit Dr. Mustafa Mahmud, sjell\u00eb n\u00eb gjuh\u00ebn shqipe nga teologu Lavdrim Hamja.<\/p>\n

M\u00eb pas e mori fjal\u00ebn Myftiu i Shkodr\u00ebs, Imam Muhamed B. Sytari, i cili pasi fal\u00ebnderoi p\u00ebrkthyesin p\u00ebr sjelljen e k\u00ebtij libri me vler\u00eb n\u00eb gjuh\u00ebn shqipe, tha: “Libri i ri q\u00eb promovojm\u00eb sot, \u201cDialog me mikun tim ateist\u201d, shkruar nga studiuesi dhe intelektuali i shquar egjiptian, Dr. Mustafa Mahmud, sjell\u00eb n\u00eb shqip nga thirr\u00ebsi islam Lavdrim Hamja, \u00ebsht\u00eb padyshim nj\u00eb vler\u00eb e shtuar p\u00ebr librotekat tona.”<\/p>\n

Imam Sytari, nd\u00ebr t\u00eb tjera tha: “\u00cbsht\u00eb nj\u00eb lib\u00ebr q\u00eb lexohet me kujdes, por q\u00eb vlen p\u00ebr secilin prej nesh, sidomos n\u00eb koh\u00ebra si k\u00ebto, kur thuajse nga \u00e7do drejtim d\u00ebgjojm\u00eb sulme t\u00eb pand\u00ebrprera ndaj Islamit dhe musliman\u00ebve.<\/p>\n

Aq sa jan\u00eb paradoksale ato q\u00eb lexojm\u00eb e d\u00ebgjojm\u00eb, aq \u00ebsht\u00eb i domosdosh\u00ebm p\u00ebr t\u2019u qarkulluar n\u00eb mesin e lexuesve ky lib\u00ebr, q\u00eb gjith\u00ebsesi nuk \u00ebsht\u00eb as fillimi, as fundi i trajtesave t\u00eb t\u00eb pjekura e plot urt\u00ebsi t\u00eb tematikave t\u00eb k\u00ebtij niveli, q\u00eb shpesh kan\u00eb ngacmuar bot\u00ebn, lidhur me Islamin.”<\/p>\n

M\u00eb pas, teologu Artur Tagani, kandidat p\u00ebr Doktor Shkencash n\u00eb fush\u00ebn e Sociologjis\u00eb dhe Filozofis\u00eb, trajtoi me shum\u00eb kompetenc\u00eb tem\u00ebn “Ateizmi si pasoj\u00eb”, duke sjell\u00eb shembuj dhe argumente bind\u00ebse rreth p\u00ebrhapjes s\u00eb ateizmit n\u00eb bot\u00eb, por edhe n\u00eb vendin ton\u00eb.<\/p>\n

Nd\u00ebrsa teologu Arben Halluni foli rreth librit, duke u ndalur te r\u00ebnd\u00ebsia e t\u00eb kuptuarit drejt\u00eb t\u00eb koncepteve islame, ve\u00e7an\u00ebrisht t\u00eb kadas\u00eb dhe kaderit, dy terma shum\u00eb t\u00eb r\u00ebnd\u00ebsishme t\u00eb fes\u00eb islame, q\u00eb kan\u00eb t\u00eb b\u00ebjn\u00eb me p\u00ebrcaktimit e Zotit.<\/p>\n

N\u00eb fund e mori fjal\u00ebn edhe p\u00ebrkthyesi i librit, teologu Lavdrim Hamja, i cili foli p\u00ebr jet\u00ebn e autorit t\u00eb librit, Dr. Mustafa Mahmud dhe solli disa th\u00ebnie t\u00eb tij, ku nd\u00ebr t\u00eb tjera p\u00ebrmendi: “Asnj\u00ebher\u00eb nuk kam qen\u00eb njeri i fes\u00eb (klerik), por artist q\u00eb kam hyr\u00eb n\u00eb prehrin e fes\u00eb prej der\u00ebs s\u00eb mir\u00ebsis\u00eb hyjnore dhe prej der\u00ebs s\u00eb dashuris\u00eb e bindjes dhe jo nga dera e Ez’herit.<\/p>\n

Gjykimi im ka qen\u00eb gjykimi i poetit, i cili e deshi Allahun dhe shkroi p\u00ebr T\u00eb vargje dhe nd\u00ebrtoi nj\u00eb xhami. Por, ai gjithmon\u00eb mbeti artisti q\u00eb n\u00eb origjin\u00eb dhe krijim. Ky artist, pasuria e t\u00eb cilit \u00ebsht\u00eb imagjinata dhe ndjenjat.<\/p>\n

Arti ka qen\u00eb gjithmon\u00eb dob\u00ebsia dhe fuqia ime. Si \u00e7do artist, edhe p\u00ebr mua bukuria ka qen\u00eb frym\u00ebzim.<\/p>\n

Kam qen\u00eb njeri gabimtar dhe p\u00ebr k\u00ebt\u00eb arsye asnj\u00ebher\u00eb nuk kam pretenduar t\u00eb jem i pagabuesh\u00ebm.”<\/p>\n

Aktiviteti u p\u00ebrsh\u00ebndet edhe nga imami i xhamis\u00eb s\u00eb Rusit, H. Fejzi Zaganjori, i cili theksoi se ky aktivitet n\u00eb kuad\u00ebr t\u00eb 30 vjetorit t\u00eb liris\u00eb s\u00eb besimit, merr nj\u00eb vler\u00eb edhe m\u00eb t\u00eb madhe, kur sheh se teolog\u00ebt dhe thirr\u00ebsit islam\u00eb shkodran\u00eb t\u00eb k\u00ebsaj kohe, po punojn\u00eb me p\u00ebrkushtim n\u00eb rrug\u00ebn e p\u00ebrhapjes s\u00eb drit\u00ebs s\u00eb besimit.<\/p>\n

N\u00eb p\u00ebrfundim t\u00eb k\u00ebtij promovimi, p\u00ebr t\u00eb pranishmit u b\u00eb edhe shp\u00ebrndarja e librit: \u201cDialog me mikun tim ateist\u201d.<\/p>\n