{"id":8083,"date":"2020-05-12T13:39:06","date_gmt":"2020-05-12T13:39:06","guid":{"rendered":"http:\/\/myftinia-shkoder.org\/?p=8083"},"modified":"2020-05-12T19:34:20","modified_gmt":"2020-05-12T19:34:20","slug":"nderroi-jete-hoxha-i-urte-haxhi-hafiz-musa-hoxha-1926-2020","status":"publish","type":"post","link":"https:\/\/myftinia-shkoder.org\/?p=8083","title":{"rendered":"Nd\u00ebrroi jet\u00eb Hoxha i urt\u00eb, Haxhi Hafiz Musa Hoxha (1926-2020)"},"content":{"rendered":"

N\u00eb mosh\u00ebn 94 vje\u00e7are, nd\u00ebrroi jet\u00eb n\u00eb Shkod\u00ebr, Hoxha i urt\u00eb anamalas, Haxhi Hafiz Musa Hoxha, i fundit i nx\u00ebn\u00ebsve t\u00eb p\u00ebrkushtuar t\u00eb hoxhallar\u00ebve t\u00eb vjet\u00ebr t\u00eb Shkodr\u00ebs.<\/p>\n

Hafiz Musa Isuf Hysejn Nuro Hoxha, ka lindur n\u00eb fshatin Babot t\u00eb An\u00ebs s\u00eb Malit- Shkod\u00ebr, n\u00eb vitin 1926.<\/p>\n

N\u00eb autobiografin\u00eb e tij, ai tregon p\u00ebr: \u201c16 vitet e rinis\u00eb s\u00eb tij dhe dit\u00ebt e saj t\u00eb mbushura me ecejake dyerve t\u00eb hoxhallar\u00ebve t\u00eb njohur t\u00eb Shkodr\u00ebs si: H. Muhamed Bekteshi, H. Esat Myftija, H. Ibrahim Kaduku, H. Smajl Abdia i Tepes, etj., te t\u00eb cil\u00ebt kishte k\u00ebnduar ders<\/em> dhe kishte filluar hatmen e Kur’anit Kerim, vasin, gramatik\u00ebn arabe, etj. “N\u00eb vitin 1944 jam prezantuar p\u00ebr t\u00eb par\u00ebn her\u00eb me Hafiz Esat Myftin\u00eb. Me t\u00eb kam ba ders dy or\u00eb n\u00eb dit\u00eb, me abdest”, d\u00ebshmon p\u00ebr m\u00ebsuesit e tij.<\/p>\n

“Te Haxhi Muhamed Bekteshi ishim 30 vet\u00eb. Na thoshte se deri m\u00eb sot kishte nxjerr\u00eb tri pal\u00eb talebe… Me kultur\u00ebn q\u00eb na ka dhan\u00eb ai, nuk mund t’i dalim kurr\u00eb hakut, kaq Hoxh\u00eb i nalt\u00eb ka ken\u00eb. Na ka m\u00ebsu me pas\u00eb frik\u00eb Zotin, me pas\u00eb karakter feje, jo m’u mburr\u00eb me diploma e ixhazete!<\/strong>“.<\/p>\n

“N\u00eb mosh\u00ebn 14 vje\u00e7are kam shkuar imam p\u00ebr t\u00eb par\u00ebn her\u00eb n\u00eb jet\u00eb. Ndon\u00ebse i padekretuar, kam sh\u00ebrbyer 30 net\u00eb teravi, n\u00eb fshatin Milan. Pastaj, n\u00eb vitin 1945 e 1946 kam shku Imam n\u00eb Re\u00e7 dhe p\u00ebr dy vjet i kam m\u00ebsu edhe f\u00ebmij\u00ebt. M\u00eb 13 janar 1947 na mor\u00ebn ushtar\u00eb. Aty kam q\u00ebndruar 3 vjet e gjysm\u00eb. N\u00eb mars t\u00eb vitit 1950 erdha Imam k\u00ebtu n\u00eb fshatin Vejukaj, ku q\u00ebndrova rreth 9 vjet. Prej aty kam shkuar Imam n\u00eb fshatin Vallas, ku kam q\u00ebndruar edhe aty rreth 9 vjet.<\/p>\n

Edhe gjat\u00eb k\u00ebsaj kohe kam vazhdu me marr\u00eb derse n\u00eb Shkod\u00ebr. N\u00eb or\u00ebn 4 t\u00eb mesnat\u00ebs nisesha prej k\u00ebtu n\u00eb Babot, me bi\u00e7iklet\u00eb dhe n\u00eb or\u00ebn 7 isha t\u00eb \u00c7inari i Hoxh\u00eb Dheut, p\u00ebr t\u00eb filluar dersin. Aty ishim me krejt shok\u00ebt: Hafiz Sabriu, Hafiz Qamili, Haki Halili, Hafiz Haliti, Hafiz Yzejri…”.<\/p>\n

\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 Duke treguar p\u00ebr kujtimet e periudh\u00ebs komuniste dhe ndalimin e fes\u00eb, thot\u00eb: “Kat\u00ebr kintal qitabe m’i kan\u00eb marr\u00eb, megjith\u00ebse jam mundu me i fsheh\u00eb disa, por pjesa m\u00eb e madhe \u00ebsht\u00eb zhdukur. Hoxhallar\u00ebt e Shkodr\u00ebs m\u00eb kan\u00eb dashur fort dhe m\u00eb kan\u00eb dhuruar libra.<\/p>\n

P\u00ebr shembull, kam marr\u00eb qitabe prej Haxhi Muhamed Kastratit, prej Hafiz Ibrahim Kadukut. Kur vdiq Hafiz Jusuf K\u00eblmendi (1876-1943), t\u00eb cilin s’e kam njohur, qitabet e tij m\u00eb erdh\u00ebn dhurat\u00eb nga ca t\u00eb njohur q\u00eb m\u00eb donin si talebe dhe k\u00ebrkues i dijes islame…”.<\/p>\n

Kur m’i dogj\u00ebn librat e bibliotek\u00ebs, njitu para fshatit, arrita t\u00eb shp\u00ebtoj k\u00ebto copa… (Merr frym\u00eb thell\u00eb, fshin syt\u00eb dhe vazhdon rr\u00ebfimin tij<\/em>) U thoja njer\u00ebzve: M’i merrni pjes\u00ebt e librave… M\u00eb ndihmoni t’i shp\u00ebtoj librat e mi..! K\u00ebshtu i kam ruajtur copa-copa qitabet, p\u00ebr mos me i harru..!”.<\/p>\n

“Kurr\u00eb nuk kam pi alkool, edhe pse na kan\u00eb sprovu shum\u00eb n\u00eb periudh\u00ebn e v\u00ebshtir\u00eb t\u00eb ndalimit t\u00eb fes\u00eb\u2026 T\u00eb gjitha xhenazet e An\u00ebs s\u00eb Malit i kam vend\u00fa fshehtaz, n\u00eb or\u00eb t\u00eb vona t\u00eb pasmesnat\u00ebs, n\u00eb bor\u00eb e n\u00eb shi, n\u00eb dim\u00ebr e n\u00eb ver\u00eb\u2026 Kisha frik\u00eb se dikush do na padiste, por na ka rujt\u00eb i Madhi Zot\u2026 Durim t\u00eb madh kemi ba\u2026 Sepse vet\u00ebm me durim kalohen sprovat e jet\u00ebs, elhamdulilah!”.<\/p>\n

Ai kujton me shum\u00eb emocion procesin e hapjes s\u00eb xhamis\u00eb s\u00eb par\u00eb, n\u00eb n\u00ebntor t\u00eb vitit 1990: “Kur u hap feja, Hafiz Sabri Ko\u00e7i m\u00eb \u00e7oi haber me ardh\u00eb n\u00eb xhamin\u00eb e Plumbit dhe m\u00eb tha: “Ti ke hivzin e Kur’anit, prandaj duhet me fillu mukabelet”. P\u00ebr tri jav\u00eb rresht kam k\u00ebndu Kur’an n\u00eb xhami t\u00eb Plumbit, ashtu si dikur”.<\/p>\n

N\u00eb botimin me titull: \u201cHafiz Musa Hoxha \u2013 vaizi besnik i qitabeve t\u00eb vjetra\u201d, Myftiu i Shkodr\u00ebs Imam Muhamed Sytari tregon edhe p\u00ebr nj\u00eb pyetje q\u00eb i kishte drejtuar Hafizit t\u00eb moshuar: “Hafiz, \u00e7far\u00eb mungon sot, n\u00eb krahasim me koh\u00ebn tuaj? Ai, buz\u00ebqesh rregullon \u00e7allm\u00ebn e tij dhe merr t\u00eb flas\u00eb: “Tash ka ma shum\u00eb libra se at’her\u00eb. Edhe mirad\u00ed ka ma shum\u00eb se at’her\u00eb. Por, sot mungon… A e di se \u00e7far\u00eb mungon? E kam shum\u00eb kasavet, po jua tham: Kam lexu para shum\u00eb koh\u00ebsh nj\u00eb rivajet, ku Resulull-llahi, duke p\u00ebrmendur shenjat e kiametit, ka than\u00eb: “Ngrihet dituria, shtohet injoranca, shtohet imoraliteti dhe nd\u00ebrtohen xhamit\u00eb duke qen\u00eb harab p\u00ebrbrenda”… Kjo mungon sot, frika e Zotit dhe forca e besimit!” dhe Hafizi merr pamje m\u00ebshiruese dhe lut\u00ebse teksa flet me shum\u00eb zem\u00ebr p\u00ebr kasavetin tij…”.<\/p>\n

All-llahu e m\u00ebshiroft\u00eb dhe shp\u00ebrbleft\u00eb p\u00ebr sh\u00ebrbimet dhe p\u00ebrkushtimin e tij ndaj njer\u00ebzve!<\/p>\n