{"id":8110,"date":"2020-05-19T21:45:28","date_gmt":"2020-05-19T21:45:28","guid":{"rendered":"http:\/\/myftinia-shkoder.org\/?p=8110"},"modified":"2020-05-25T20:22:19","modified_gmt":"2020-05-25T20:22:19","slug":"nata-e-kadrit-presidenti-meta-viziton-myftinine-e-shkodres","status":"publish","type":"post","link":"https:\/\/myftinia-shkoder.org\/?p=8110","title":{"rendered":"Nata e Kadrit, Presidenti Meta viziton Myftinin\u00eb e Shkodr\u00ebs"},"content":{"rendered":"
\n
\n

Me rastin e Nat\u00ebs s\u00eb Kadrit, vlera dhe madh\u00ebshtia e t\u00eb cil\u00ebs p\u00ebrmendet qart\u00eb n\u00eb Kur’anin Fam\u00eblart\u00eb, Presideti i Republik\u00ebs, Sh.T.Z. Ilir Meta, zhvilloi nj\u00eb vizit\u00eb t\u00eb p\u00ebrzem\u00ebrt n\u00eb Myftinin\u00eb e Shkodr\u00ebs.<\/p>\n

\n

Presidenti i Republik\u00ebs u prit nga Myftiu i Shkodr\u00ebs, Imam Muhamed B. Sytari, q\u00eb pasi i uroi mir\u00ebseardhjen n\u00eb Shkod\u00ebr, e fal\u00ebnderoi Shk\u00eblqesin\u00eb e Tij p\u00ebr k\u00ebt\u00eb vizit\u00eb t\u00eb ve\u00e7ant\u00eb n\u00eb atmosfer\u00ebn e Muajit t\u00eb Begat\u00eb t\u00eb Ramazanit dhe Nat\u00ebs s\u00eb Kadrit.<\/p>\n

Myftiu theksoi se 2020-ta \u00ebsht\u00eb viti jubilar i 30 vjetorit t\u00eb rihapjes s\u00eb aktivitetit fetar n\u00eb Shkod\u00ebr, pas r\u00ebnies s\u00eb diktatur\u00ebs komuniste.<\/p>\n

Me k\u00ebt\u00eb rast, i dhuroi Presidentit t\u00eb Republik\u00ebs nj\u00eb tabllo t\u00eb tubimit madh\u00ebshtor t\u00eb rihapjes s\u00eb xhamis\u00eb s\u00eb Plumbit, m\u00eb 16 n\u00ebntor 1990.<\/p>\n

Myftiu tha se, diktatura i shembi muret dhe objektet, porse nuk arriti t\u00eb vriste dot shpirtin dhe besimin e njer\u00ebzve, q\u00eb edhe pas dekadash nga privimi i madh, ishin t\u00eb gjith\u00eb s\u00eb bashku n\u00eb hapjen e xhamive dhe kishave n\u00eb vend n\u00eb n\u00ebntor t\u00eb vitit 1990.<\/p>\n

Nga ana e tij, Presidenti Meta shprehu mir\u00ebnjohjen e tij p\u00ebr Myftiun dhe Myftinin\u00eb e Shkodr\u00ebs, p\u00ebr aktivitetin e larmish\u00ebm, p\u00ebr rolin vendimtar n\u00eb p\u00ebrhapjen e harmonis\u00eb fetare e komb\u00ebtare dhe nxitjen dhe ruajtjen e paqes sociale, n\u00eb bashk\u00ebpunim edhe me institucionet e tjera fetare n\u00eb vend.<\/p>\n

Nj\u00ebkoh\u00ebsisht uroi besimtar\u00ebt me rastin e Nat\u00ebs s\u00eb Kadrit, sikurse vler\u00ebsoi rolin e Shkodr\u00ebs, prij\u00ebsve fetar\u00eb dhe qytetar\u00ebve t\u00eb saj n\u00eb ruajtjen e besimit, si dhe vler\u00ebsoi rolin e spikatur n\u00eb proceset demokratike t\u00eb vendit<\/p>\n

Pas pritjes n\u00eb zyr\u00ebn e Myftiut, Presidenti Meta vizitoi edhe xhamin\u00eb e Parruc\u00ebs, ku u njoh edhe me historikun e saj dhe shprehu k\u00ebnaq\u00ebsin\u00eb e tij p\u00ebr rim\u00ebk\u00ebmbjen e institucioneve t\u00eb besimit, q\u00eb i sh\u00ebrbejn\u00eb komunitetit n\u00eb praktikimin n\u00eb liri t\u00eb adhurimeve dhe lutjeve t\u00eb tyre.<\/p>\n

Me rastin e k\u00ebsaj vizite, Myftiu shtroi edhe iftarin e k\u00ebsaj Nate t\u00eb Begat\u00eb.<\/p>\n