{"id":8465,"date":"2020-07-31T10:18:17","date_gmt":"2020-07-31T10:18:17","guid":{"rendered":"http:\/\/myftinia-shkoder.org\/?p=8465"},"modified":"2020-07-31T10:18:17","modified_gmt":"2020-07-31T10:18:17","slug":"kurban-bajrami-dite-e-madhe-e-besimit-dhe-dinjitetit-islam","status":"publish","type":"post","link":"https:\/\/myftinia-shkoder.org\/?p=8465","title":{"rendered":"Kurban Bajrami, dit\u00eb e madhe e besimit dhe dinjitetit islam"},"content":{"rendered":"

Dit\u00ebn e xhuma, m\u00eb 31 korrik 2020, sipas lajm\u00ebrimit zyrtar t\u00eb Myftinis\u00eb Shkod\u00ebr, besimtar\u00ebt musliman\u00eb shkodran\u00eb mbush\u00ebn xhamit\u00eb dhe oborret e tyre, p\u00ebr t\u00eb marr\u00eb pjes\u00eb n\u00eb ceremonin\u00eb tradicionale t\u00eb Kurban Bajramit.<\/p>\n

\n

N\u00eb xhamin\u00eb e Fush\u00eb \u00c7el\u00ebs, (xhamia “Ebu Bek\u00ebr”), ishte i pranish\u00ebm edhe Myftiu i Shkodr\u00ebs, Imam\u00a0Muhamed B. Sytari<\/a>, i cili iu drejtua t\u00eb pranish\u00ebmve me nj\u00eb mesazh t\u00eb posa\u00e7\u00ebm t\u00eb k\u00ebsaj dite.<\/p>\n

Myftiu tha se dita e sotme \u00ebsht\u00eb momenti i reflektimit n\u00eb madh\u00ebshtin\u00eb e thirrjes: “All-llahu ekber”, si dhe d\u00ebshmimit t\u00eb saj n\u00eb jet\u00ebn e p\u00ebrditshme, si \u00e7el\u00ebs i suksesit, siguris\u00eb dhe krenaris\u00eb n\u00eb komunitet!<\/p>\n

Ai tha se dita e Kurban Bajramit \u00ebsht\u00eb dita e familjes dhe e p\u00ebrkujdesjes p\u00ebr edukimin e rinis\u00eb dhe brezit t\u00eb ri, duke ecur pas gjurm\u00ebve t\u00eb Ehli-Bejtit, familjes s\u00eb bekuar t\u00eb Hz. Ibrahimit (a.s.), q\u00eb jan\u00eb simboli i k\u00ebsaj dite dhe historie t\u00eb sh\u00ebnuar t\u00eb p\u00ebrjet\u00ebsuar deri n\u00eb dit\u00ebn e fundit.<\/p>\n

Myftiu b\u00ebri thirrje q\u00eb shoq\u00ebria t\u00eb shoh\u00eb realitetin e zhvillimeve t\u00eb jet\u00ebs n\u00eb vendin ton\u00eb, duke refuzuar padrejt\u00ebsit\u00eb, korrupsionin, mashtrimin dhe taborrat e atyre, q\u00eb prej dekadash po e shkat\u00ebrrojn\u00eb vendin, duke e v\u00ebshtir\u00ebsuar jet\u00ebn e rinis\u00eb n\u00eb k\u00ebt\u00eb tok\u00eb t\u00eb begat\u00eb!<\/p>\n

Nd\u00ebrkoh\u00eb, n\u00eb hytben e k\u00ebsaj dite, imami i xhamis\u00eb, teologu\u00a0Idmir Plaku<\/a>, hodhi drit\u00eb mbi vler\u00ebn dhe simbolikat e dit\u00ebs s\u00eb Kurban Bajramit, sikurse porositi q\u00eb njer\u00ebzit t\u00eb shfryt\u00ebzojn\u00eb adhurimin e kurbanit, si m\u00ebnyr\u00eb afrimi me All-llahun e Madh\u00ebruar dhe mund\u00ebsi e p\u00ebrhapjes s\u00eb shpirtit t\u00eb bamir\u00ebsis\u00eb n\u00eb shoq\u00ebri.<\/p>\n