{"id":865,"date":"2016-07-06T04:59:09","date_gmt":"2016-07-06T04:59:09","guid":{"rendered":"http:\/\/myftinia-shkoder.org\/?p=865"},"modified":"2016-07-07T05:07:06","modified_gmt":"2016-07-07T05:07:06","slug":"vizita-historike-e-imamit-te-qabes-se-madhueshme-ne-shkoder","status":"publish","type":"post","link":"https:\/\/myftinia-shkoder.org\/?p=865","title":{"rendered":"Vizita historike e Imamit t\u00eb Qabes s\u00eb Madhueshme n\u00eb Shkod\u00ebr"},"content":{"rendered":"

Dit\u00ebn e m\u00ebrkure, m\u00eb 6 korrik 2016, qyteti i Shkodr\u00ebs u begatua me vizit\u00ebn historike t\u00eb Imamit t\u00eb Qabes s\u00eb Madhnueshme, Shejkh Salih Al Talib, i cili ndodhet n\u00eb Shqip\u00ebri me ftes\u00eb t\u00eb Komunitetit Mysliman t\u00eb Shqip\u00ebris\u00eb.<\/p>\n

N\u00eb pritje t\u00eb mysafirit t\u00eb shtrenjt\u00eb ishte Myftiu i Shkodr\u00ebs, Imam Muhamed B. Sytari, Myftiu i Mal\u00ebsis\u00eb s\u00eb Madhe, H. Edmir Smajlaj, imam\u00eb e teolog\u00eb, besimtar\u00eb t\u00eb shumt\u00eb e qytetar\u00eb shkodran\u00eb, por edhe v\u00ebllez\u00ebr t\u00eb nderuar t\u00eb ardhur nga Kosova dhe Mali i Zi.<\/p>\n

Imami i nderuar i Qabes s\u00eb Madhnueshme drejtoi fillimisht faljen e namazit t\u00eb akshamit me xhemat n\u00eb xhamin\u00eb e Parruc\u00ebs, q\u00eb ishte tejmbushur nga prania e madhe e besimtar\u00ebve dhe besimtareve, nj\u00eb pjes\u00eb e mir\u00eb e t\u00eb cil\u00ebve u detyruan t\u00eb falen jasht\u00eb faltores.<\/p>\n

M\u00eb pas, Myftiu i Shkodr\u00ebs, Imam Muhamed B. Sytari, n\u00eb p\u00ebrsh\u00ebndetjen e tij theksoi se sot, \u00ebsht\u00eb nj\u00eb dat\u00eb dhe dit\u00eb historike p\u00ebr Shkodr\u00ebn, q\u00eb mir\u00ebpret n\u00eb zemr\u00ebn e saj, Imamin e nderuar t\u00eb Qabes s\u00eb Madhnueshme, Shejkh Salih Al Talib.<\/p>\n

Myftiu tha se kjo vizit\u00eb historike ia shton drit\u00ebn dhe madh\u00ebshtin\u00eb k\u00ebtij Fit\u00ebr Bajrami, q\u00eb nj\u00ebkoh\u00ebsisht d\u00ebshmon madh\u00ebshtin\u00eb e rim\u00ebk\u00ebmbjes s\u00eb vkerave islame n\u00eb Shkod\u00ebr.<\/p>\n

M\u00eb pas, ai ftoi Mikun e nderuar t\u00eb mbaj\u00eb nj\u00eb fjalim p\u00ebrpara pjes\u00ebmarr\u00ebsve t\u00eb shumt\u00eb, q\u00eb prisnin me padurim fjal\u00ebn e Imamit t\u00eb dashur.<\/p>\n

N\u00eb fjalimin e tij, Shejkh Salih Al Talib, shprehu fillimisht g\u00ebzimin e tij p\u00ebr pranin\u00eb n\u00eb Shkod\u00ebr, sikurse p\u00ebrcolli urimet dhe lutjet e tij me rastin e Fit\u00ebr Bajramit.<\/p>\n

Imami i Qabes s\u00eb Mashnueshme dha disa mesazhe me shum\u00eb r\u00ebnd\u00ebsi q\u00eb kan\u00eb t\u00eb b\u00ebjn\u00eb me rrug\u00ebt e fitimit t\u00eb lumturis\u00eb s\u00eb k\u00ebsaj bote dhe t\u00eb p\u00ebrtejmes, n\u00ebp\u00ebrmjet besimit dhe veprave t\u00eb mira.<\/p>\n

Ai theksoi se muslimani \u00ebsht\u00eb njeri i ruajtur, i distancuar nga shkaqet e dhun\u00ebs, terrorit dhe shkeljes s\u00eb t\u00eb drejtave t\u00eb tjer\u00ebve dhe, se \u00e7far\u00eb d\u00ebshmohet sot n\u00eb bot\u00ebn islame nga dhuna dhe terrori, nuk ka lidhje as me Islamin, as me moralin dhe v\u00ebshtrimet e muslimanit p\u00ebr jet\u00ebn.<\/p>\n

Imami i nderuar tha se, historikisht, jomusliman\u00ebt nuk kan\u00eb d\u00ebshmuar trajtim m\u00eb t\u00eb drejt\u00eb dhe plot toleranc\u00eb, sesa ai i musliman\u00ebve. P\u00ebr k\u00ebt\u00eb, ai iu drejtua jomusliman\u00ebve q\u00eb t\u00eb lart\u00ebsohen n\u00eb k\u00ebt\u00eb nivel t\u00eb qytet\u00ebruar n\u00eb marr\u00ebdh\u00ebnien e tyre me musliman\u00ebt.<\/p>\n

Imami i nderuar theksoi se Islami ka ardhur si m\u00ebshir\u00eb p\u00ebr mbar\u00eb botrat; musliman\u00eb dhe jomusliman\u00eb dhe, se detyra e musliman\u00ebve sot, \u00ebsht\u00eb angazhimi maksimal p\u00ebr p\u00ebrhapjen me krenari dhe kurajo t\u00eb moralit islam n\u00ebp\u00ebrmjet veprave konkrete.<\/p>\n

Shejkh Salih Al Talib b\u00ebri thirrje q\u00eb rinia islame e Shkodr\u00ebs dhe e mbar\u00eb Shqip\u00ebris\u00eb t\u00eb kapet fort pas fes\u00eb islame dhe udh\u00ebzimeve t\u00eb saj, duke lexuar shum\u00eb dhe duke pyetur njer\u00ebzit e ditur dhe specialist\u00ebt e diturive islame.<\/p>\n

Imami dha sihariq, se Islami po p\u00ebrhapet masivisht, sot n\u00eb bot\u00eb dhe, se sprovat e koh\u00ebve t\u00eb fundit po e zgjojn\u00eb v\u00ebmendjen e ymmetit drejt rim\u00ebk\u00ebmbjes dhe rikthimit tek rrug\u00ebt e vlerave historike shekullore islame.<\/p>\n

Pas p\u00ebrfundimit t\u00eb ligj\u00ebrat\u00ebs, Imami i nderuar i Qabes s\u00eb Madhnueshme dhe Myftiu i Shkodr\u00ebs k\u00ebmbyen dhuratat simbolike t\u00eb k\u00ebtij takimi historik p\u00ebr Shkodr\u00ebn dhe musliman\u00ebt e saj.<\/p>\n

N\u00eb dalje, Shejkh Salih Al Talib u takua me shum\u00eb e shum\u00eb besimtar\u00eb, q\u00eb e kishin rrethuar dhe p\u00ebrqafoheshin me shum\u00eb emocion dhe mall me Imamin e Qabes s\u00eb tyre t\u00eb shtrenjt\u00eb.<\/p>\n

N\u00eb k\u00ebt\u00eb vizit\u00eb, Imami i nderuar shoq\u00ebrohej nga nj\u00eb delegacion i madh, ku b\u00ebnte pjes\u00eb edhe H. Bujar Spahiu, n\u00ebnkryetar i KMSh-s\u00eb dhe z. Hamdi \u00c7urri, drejtor i Drejtoris\u00eb s\u00eb Haxhit she Marr\u00ebdh\u00ebnieve me Bot\u00ebn Islame n\u00eb KMSh.<\/p>\n