{"id":9028,"date":"2021-02-05T15:53:02","date_gmt":"2021-02-05T15:53:02","guid":{"rendered":"http:\/\/myftinia-shkoder.org\/?p=9028"},"modified":"2021-02-06T19:01:42","modified_gmt":"2021-02-06T19:01:42","slug":"kryeparlamentari-i-republikes-se-turqise-vizitoi-shkodren","status":"publish","type":"post","link":"https:\/\/myftinia-shkoder.org\/?p=9028","title":{"rendered":"Kryeparlamentari i Republik\u00ebs s\u00eb Turqis\u00eb vizitoi Shkodr\u00ebn"},"content":{"rendered":"

Kryetari i Asambles\u00eb s\u00eb Madhe Komb\u00ebtare-TBMM t\u00eb Turqis\u00eb, Prof. Dr. Mustafa \u015eentop, vizitoi qytetin e Shkodr\u00ebs n\u00eb dit\u00ebn e dyt\u00eb t\u00eb vizit\u00ebs s\u00eb tij n\u00eb Shqip\u00ebri.<\/p>\n

Kreu i parlamentit turk, mori pjes\u00eb n\u00eb ritet e faljes s\u00eb xhumas\u00eb,\u00a0 n\u00eb xhamin\u00eb e madhe \u201cEbu Bek\u00ebr\u201d, n\u00eb qend\u00ebr t\u00eb qytetit t\u00eb Shkodr\u00ebs teksa u prit nga Myftiu i Shkodr\u00ebs, Imam Muhamed B. Sytari<\/p>\n

\u00a0dhe stafi i tij.<\/p>\n

Myftiu gjat\u00eb hytbes s\u00eb xhuma trajtoi tem\u00ebn \u201cNga drejtimi i Drit\u00ebs, mos u shk\u00ebput!\u201d, duke p\u00ebrcjell\u00eb mesazhe t\u00eb v\u00ebllaz\u00ebris\u00eb, dashuris\u00eb dhe bashk\u00ebpunimit t\u00eb nd\u00ebrsjell\u00ebt.<\/p>\n

Imam Sytari fal\u00ebnderoi pranin\u00eb e kryetarit t\u00eb parlamentit t\u00eb Turqis\u00eb n\u00eb xhamin\u00eb e madhe si edhe p\u00ebr vizit\u00ebn n\u00eb Shkod\u00ebr, duke u lutur p\u00ebr t\u00eb dhe p\u00ebr t\u00eb dy popujt v\u00ebllez\u00ebr.<\/p>\n

Nga profili i tij n\u00eb facebook, Imam Muhamed Sytari shkruan: “Pata k\u00ebnaq\u00ebsin\u00eb e madhe sot, t\u00eb pres n\u00eb xhamin\u00eb e Fush\u00eb \u00c7el\u00ebs, “Ebu Bek\u00ebr”, p\u00ebr faljen e namazit t\u00eb xhumas\u00eb, ShTZ. Mustafa \u015eentop, kryetar i Asambles\u00eb s\u00eb Madhe t\u00eb Republik\u00ebs s\u00eb Turqis\u00eb.<\/p>\n

Ne g\u00ebzohemi pa mas\u00eb me zhvillimin e mrekulluesh\u00ebm t\u00eb Turqis\u00eb, si nj\u00eb vend me nj\u00eb pozit\u00eb t\u00eb ve\u00e7ant\u00eb n\u00eb hart\u00ebn e madhe t\u00eb ymetit islam!<\/p>\n

Si\u00e7 e thash\u00eb edhe n\u00eb hytben e xhumas\u00eb: “G\u00ebzimi i tyre, \u00ebsht\u00eb g\u00ebzimi i jon\u00eb, hidh\u00ebrimi i tyre, \u00ebsht\u00eb hidh\u00ebrimi i jon\u00eb!”.<\/p>\n

Pas faljes, Myftiu i Shkodr\u00ebs n\u00eb nj\u00eb prononcim p\u00ebr median tha se, nd\u00ebr t\u00eb tjera i tregoi Kryetarit t\u00eb Asambles\u00eb s\u00eb Madhe Komb\u00ebtare t\u00eb Turqis\u00eb mbi harmonin\u00eb fetare n\u00eb qytetin e Shkodr\u00ebs, si vler\u00eb e madhe e d\u00ebshmuar nd\u00ebr shekuj.<\/p>\n

Myftiu e shoq\u00ebroi kryetarin e Parlamentit turk n\u00eb t\u00eb gjitha vizitat e tjera si n\u00eb medresen\u00eb \u201cHaxhi Sheh Shamia\u201d n\u00eb Shkod\u00ebr, ku ndoqi programin e p\u00ebrgatitur nga nx\u00ebn\u00ebsit, ceremonin\u00eb p\u00ebrkujtimore t\u00eb realizuar n\u00eb memorialin e heroit t\u00eb madh, Hasan Riza Pasha n\u00eb Shkod\u00ebr.<\/p>\n