Nga minberi i xhamis\u00eb s\u00eb fshatit Bardhaj, Myftiu i Shkodr\u00ebs, Imam Muhamed B. Sytari, iu drejtua besimtar\u00ebve me nj\u00eb mesazh, me rastin e fillimit t\u00eb Tre Muajve t\u00eb Mir\u00eb: Rexheb, Shaban dhe Ramazan 1442\/2021.<\/p>\n
Myftiu lajm\u00ebroi se dita e shtun\u00eb, m\u00eb 13 shkurt 2021 p\u00ebrkon me dit\u00ebn e par\u00eb t\u00eb muajit t\u00eb shenjt\u00eb Rexheb 1442, ku theksoi se n\u00eb k\u00ebt\u00eb atmosfer\u00eb, \u00ebsht\u00eb detyr\u00eb e besimtar\u00ebve musliman\u00eb q\u00eb ta presin k\u00ebt\u00eb mir\u00ebsi me istigfare, sadeka, lutje e llogari t\u00eb veprave personale.<\/p>\n
“Fillimi i Tre Muajve t\u00eb Mir\u00eb \u00ebsht\u00eb mund\u00ebsi e madhe p\u00ebr t\u00eb p\u00ebrmir\u00ebsuar marr\u00ebdh\u00ebnien me Zotin e gjith\u00ebsis\u00eb, shtimin e dhikreve, agj\u00ebrimeve nafile, sadekas\u00eb, p\u00ebrkrahjen e nevojtar\u00ebve, etj.<\/p>\n
\u00cbsht\u00eb nj\u00eb mund\u00ebsi e mrekullueshme p\u00ebr rregullimin e marr\u00ebdh\u00ebnieve familjare, farefisnore dhe ato shoq\u00ebrore, duke mos hezituar p\u00ebr t\u00eb rregulluar \u00e7far\u00eb \u00ebsht\u00eb prishur m\u00eb par\u00eb!<\/p>\n
Para Islamit, n\u00eb Muajt e Shenjt\u00eb, prej t\u00eb cil\u00ebve \u00ebsht\u00eb edhe muaji Rexheb, idhujtar\u00ebt ndalonin edhe luft\u00ebrat n\u00eb mes vete. Koha \u00ebsht\u00eb q\u00eb besimtar\u00ebt n\u00eb k\u00ebt\u00eb periudh\u00eb t\u00eb kontrollojn\u00eb gjuh\u00ebt, t\u00eb ndalojn\u00eb t\u00eb keqen n\u00eb mes tyre, t\u00eb distancohen nga gibeti e thashethemet, t\u00eb rregullojn\u00eb nijetin e t\u00eb pastrojn\u00eb zemr\u00ebn nga s\u00ebmundjet e saj.” – tha, nd\u00ebr t\u00eb tjera, Myftiu.<\/p>\n
Hytben e plot\u00eb e d\u00ebgjoni n\u00eb linkun e m\u00ebposht\u00ebm:<\/p>\n