{"id":9630,"date":"2021-06-28T13:50:45","date_gmt":"2021-06-28T13:50:45","guid":{"rendered":"http:\/\/myftinia-shkoder.org\/?p=9630"},"modified":"2021-06-28T13:50:45","modified_gmt":"2021-06-28T13:50:45","slug":"myftiu-jeten-jemi-urdheruar-ta-zhvillojme-jo-ta-vrasim-e-ta-shkaterrojme","status":"publish","type":"post","link":"https:\/\/myftinia-shkoder.org\/?p=9630","title":{"rendered":"Myftiu: “Jet\u00ebn jemi urdh\u00ebruar ta zhvillojm\u00eb, jo ta vrasim e ta shkat\u00ebrrojm\u00eb!”"},"content":{"rendered":"

Paradit\u00ebn e s\u00eb h\u00ebn\u00ebs, m\u00eb 28 qershor 2021, Myftiu i Shkodr\u00ebs, Imam Muhamed B. Sytari, mori pjes\u00eb n\u00eb xhenazen e t\u00eb riut jetim Musaen Zeneli, 20 vje\u00e7arit, q\u00eb humbi jet\u00ebn n\u00eb m\u00ebnyr\u00eb tragjike nj\u00eb dit\u00eb m\u00eb par\u00eb n\u00eb tragjedin\u00eb e dhimbshme t\u00eb Velipoj\u00ebs, ku kat\u00ebr persona mbet\u00ebn t\u00eb vrar\u00eb dhe dy t\u00eb tjer\u00eb t\u00eb plagosur.<\/p>\n

Myftiu iu drejtua t\u00eb pjes\u00ebmarr\u00ebsve q\u00eb kishin ardhur p\u00ebr t\u00eb shprehur ngush\u00ebllimet e tyre, duke theksuar se njeriu ka ardhur n\u00eb k\u00ebt\u00eb bot\u00eb p\u00ebr ta jetuar jet\u00ebn e tij t\u00eb p\u00ebrkoh\u00ebshme me besim e dinjitet, p\u00ebr t\u00eb nd\u00ebrtuar e zhvilluar t\u00eb mir\u00ebn, jo p\u00ebr ta konsideruar at\u00eb si mallin m\u00eb t\u00eb lir\u00eb e t\u00eb pavler\u00eb!<\/p>\n

“Allahu t\u00eb m\u00ebshiroft\u00eb, djali yn\u00eb, q\u00eb po largohesh nga kjo bot\u00eb, duke shp\u00ebtuar nga propaganda e mjerimi, nga statuset n\u00eb fb t\u00eb atyre q\u00eb po e shkat\u00ebrrojn\u00eb k\u00ebt\u00eb vend e q\u00eb sot “qajn\u00eb” p\u00ebr ty; nga statuset populiste e t\u00eb pavlera, q\u00eb vler\u00ebsohen m\u00eb shum\u00eb se zemra e djegur e n\u00ebn\u00ebs t\u00ebnde, q\u00eb nuk do t\u00eb gjej\u00eb m\u00eb rehati, sa t\u00eb ket\u00eb jet\u00eb!<\/p>\n

Allahu t\u00eb m\u00ebshiroft\u00eb e t\u00eb pranoft\u00eb me but\u00ebsin\u00eb e faljen e Tij, e ne na udh\u00ebzoft\u00eb se shum\u00eb larg kemi devijuar rrug\u00ebn!”, – tha nd\u00ebr t\u00eb tjera n\u00eb fjal\u00ebn e tij para faljes s\u00eb namazit t\u00eb xhenazes, q\u00eb u d\u00ebshmua nga besimtar\u00eb t\u00eb shumt\u00eb, imam\u00eb e drejtues t\u00eb shoqatave bamir\u00ebse.<\/p>\n