{"id":9928,"date":"2021-10-26T23:48:21","date_gmt":"2021-10-26T23:48:21","guid":{"rendered":"http:\/\/myftinia-shkoder.org\/?p=9928"},"modified":"2021-11-01T07:24:06","modified_gmt":"2021-11-01T07:24:06","slug":"mevludi-sherife-dhe-vlera-e-tij-ne-fokus-te-emisionit-tonight-ne-star-plus-tv","status":"publish","type":"post","link":"https:\/\/myftinia-shkoder.org\/?p=9928","title":{"rendered":"Mevludi Sherif\u00eb dhe vlera e tij n\u00eb fokus t\u00eb emisionit “Tonight” n\u00eb Star Plus Tv"},"content":{"rendered":"

I ftuar i radh\u00ebs i emisionit \u201cTonight\u201d n\u00eb Star Plus Tv ka qen\u00eb Myftiu i Shkodr\u00ebs, Imam Muhamed B. Sytari, i cili ka folur n\u00eb lidhje me simbolik\u00ebn e k\u00ebsaj ngjarjeje p\u00ebr t\u00eb gjith\u00eb besimtar\u00ebt mysliman\u00eb.<\/p>\n

Myftiu tha q\u00eb periudha e Mevludit \u00ebsht\u00eb nj\u00eb periudh\u00eb shum\u00eb e begat\u00eb p\u00ebr mysliman\u00ebt n\u00eb bot\u00eb: \u201cP\u00ebr mysliman\u00ebt dhe bashk\u00ebsit\u00eb islame kudo qofshin n\u00eb bot\u00eb, natyrsh\u00ebm se lindja e Pejgamberit ton\u00eb (a.s), \u00ebsht\u00eb nj\u00eb ngaz\u00ebllim dhe nj\u00eb g\u00ebzim i madh p\u00ebr t\u00eb gjith\u00eb bot\u00ebt, sepse ai \u00ebsht\u00eb d\u00ebrguar m\u00ebshir\u00eb p\u00ebr t\u00eb gjitha bot\u00ebt, \u00e7ka do t\u00eb thot\u00eb se p\u00ebrtej faktit n\u00ebse u g\u00ebzuan apo nuk g\u00ebzuan, e njoh\u00ebn apo nuk e njoh\u00ebn, qen\u00eb t\u00eb v\u00ebmendsh\u00ebm apo neglizhent\u00eb njer\u00ebzit, nga mysliman\u00ebt apo jomysliman\u00ebt n\u00eb k\u00ebt\u00eb ngjarje t\u00eb madhe, them me plot bindje se vendet e bot\u00ebs g\u00ebzohen n\u00eb k\u00ebt\u00eb dit\u00eb, n\u00eb k\u00ebt\u00eb muaj dhe n\u00eb k\u00ebt\u00eb atmosfer\u00eb t\u00eb lindjes s\u00eb Profetit ton\u00eb t\u00eb dashur, Muhamed (a.s)\u201d.<\/p>\n

N\u00eb vijim, Myftiu tha: \u201cQ\u00eb t\u00eb gjitha institucionet islame kudo n\u00eb bot\u00eb p\u00ebrgatiten dhe organizojn\u00eb aktivitete t\u00eb ndryshme me q\u00ebllim q\u00eb njer\u00ebzit t\u00eb njoftohen p\u00ebr jet\u00ebn dhe vepr\u00ebn e ndritur t\u00eb D\u00ebrguarit t\u00eb Zotit, Hz. Muhammedit, i cili ishte hallka e fundit e zinxhirit t\u00eb profet\u00ebve t\u00eb m\u00ebparsh\u00ebm dhe q\u00eb njihet dhe p\u00ebrmendet n\u00eb librat origjinal hyjnor\u00eb, p\u00ebrtej Kuranit Fam\u00eblart\u00eb\u201d.<\/p>\n

Nj\u00eb pjes\u00eb e r\u00ebnd\u00ebsishme e k\u00ebsaj bisede n\u00ebn drejtimin e gazetarit t\u00eb njohur, Erzen Koperaj ka qen\u00eb edhe ruatja e tradit\u00ebs s\u00eb Mevludit Sherif\u00eb, e cila \u00e7do vit kujtohet p\u00ebrmes aktiviteteve t\u00eb ndryshme n\u00eb xhami, p\u00ebrmes seminareve, takimeve me t\u00eb rinjt\u00eb, etj.<\/p>\n

Sipas, Myftiut k\u00ebndimi i Mevludit \u00ebsht\u00eb nj\u00eb tradit\u00eb komb\u00ebtare: \u201c\u00ebsht\u00eb pjes\u00eb e nj\u00eb tradit\u00eb shum\u00ebshekullore e mysliman\u00ebve, e cila bazohet n\u00eb urdh\u00ebresat kuranore dhe n\u00eb tradit\u00ebn profetike dhe n\u00eb shembullin e sahab\u00ebve t\u00eb Pejgamberit (a.s) q\u00eb i kan\u00eb k\u00ebnduar n\u00eb prani t\u00eb tij dhe Resulullahu \u00ebsht\u00eb k\u00ebnaqur dhe g\u00ebzuar, duke i thurrur vargje, duke i k\u00ebnduar dashnis\u00eb s\u00eb tij. Prandaj ruatja e p\u00ebrkujtimit t\u00eb Mevludit Sherif\u00eb \u00ebsht\u00eb nj\u00eb obligim fetar dhe moral, por mbi t\u00eb gjitha nj\u00eb obligim komb\u00ebtar\u201d.<\/p>\n

Myftiu, Imam Muhamed B. Sytari dha edhe disa mesazhe dhe k\u00ebshilla t\u00eb vyera p\u00ebr teleshikuesit dhe p\u00ebr t\u00eb gjith\u00eb besimtar\u00ebt q\u00eb t\u00eb jen\u00eb t\u00eb bashkuar njeri me tjetrin, t\u00eb punojn\u00eb me sa t\u00eb ken\u00eb nund\u00ebsi p\u00ebr t\u00eb jetuar me dinjitet, t\u00eb nderojn\u00eb dhe t\u00eb respektojn\u00eb tjetrin, mbi bazat e udh\u00ebzimit hyjnor.<\/p>\n

 <\/p>\n