Vajzat sfidojnë sekularizmin në Azerbajxhan
Historia e një vendi musliman që vendosi të ndalojë hixhabin!
Sekularizmi ngre kudo parullat: “Liria e individit” dhe: “të drejtat e njeriut”, por kur bëhet fjalë për shfaqjet e besimit islam, ai zbulon fytyrën e tij të vërtetë.
Në Azerbajxhan po përsëritet tragjedia e sekularizimit të detyruar, përmes vendimeve të padrejta, me të cilat nxënëset përjashtohen dhe mësueset largohen nga shkollat, vetëm e vetëm sepse këmbëngulin në mbajtjen e hixhabit.
Por, përgjigjja e vajzave i dha ymetit një mësim domethënës, të cilin kemi nevojë ta kujtojmë gjithmonë.
Në Azerbajxhan, vendin ku më shumë se 95% e popullsisë i përket Islamit, autoritetet vendosën në shtator të vitit 2026 të ndryshonin rregullat e uniformës shkollore, me pretendimin e “mbrojtjes së laicitetit të arsimit”.
Në këto ndryshime nuk përmendet shprehimisht hixhabi, por rezultati ishte i qartë: ndalimi i nxënëseve dhe mësueseve që mbajnë hixhab të hyjnë në shkolla.
Pamje që të bëjnë të qash
Dyert e shkollave u shndërruan në pika kontrolli sigurie. Nxënëset u penguan të hynin në klasat e tyre, ndërsa mësueset që kishin kaluar vite të tëra në arsim u dëbuan, sepse refuzuan ta hiqnin hixhabin e tyre.
Ato u vunë përpara dy zgjedhjeve të hidhura: Ose të hiqnin dorë nga detyrimi fetar, ose të privoheshin nga e drejta e tyre për arsimim dhe punë.
Autoritetet menduan se vajzat do të dorëzoheshin nga frika për të ardhmen e tyre shkollore, por reagimi ishte i fuqishëm:
- Nxënëset organizuan protesta të mëdha përpara ministrive dhe institucioneve.
- Prindërit dhe mësueset u mblodhën, duke ngritur pankarta kundër vendimit.
- Nxënësit e shkollave të tjera shpallën bojkotimin e mësimit, në shenjë solidariteti me shoqet e tyre.
Mësimi më i madh
Jemi mësuar të lexojmë për Ibn Badisin, En-Nursiun dhe Begoviçin, të cilët u përballën me përpjekjet për t’i larguar njerëzit nga identiteti i tyre fetar. Por sot, këto nxënëse të vogla po shkruajnë një kapitull të ri të kësaj historie.
Nuk është e nevojshme të kesh çallmën e një dijetari, as një post politik apo penën e një mendimtari; Mjafton të jesh një musliman i sinqertë, i palëkundur në identitetin tënd, për ta thyer dominimin e sekularizmit.
(www.instagram.com/ rawasekh_kw)
