Sofra e iftarit të vëllazërisë me nxënësit e mejtepit të xhamisë dhe Qendrës Kulturore Krye-Bushat

Sofra e iftarit të vëllazërisë me nxënësit e mejtepit të xhamisë dhe Qendrës Kulturore Krye-Bushat

Ditën e shtunë, më 8 mars 2025, në ditën e 8-të të muajit të Madhëruar të Ramazanit, sektori i arsimit, pranë Myftinisë Shkodër organizoi iftarin më nxënësit e mejtepeve/kurseve fetare që zhvillohen, pranë Qendrës Kulturore Krye-Bushat.

Në këtë iftar, përveç pjesëmarrjes së rreth 30 nxënësve të niveleve të ndryshme të mejtepeve, përgjegjësit të Qendrës dhe mësuesit të mësim-besimit, z. Ridvan Luzaku mori pjesë drejtuesi i arsimit, pranë Myftinisë Shkodër, teologu Arben Halluni, i cili përpara çeljes së iftarit, mbajti një bisedë të shkurtër me këshilla të dobishme, ku vuri në dukje se prezenca e fëmijëve dhe e të rinjve në sofrat e iftarit, në faljen e namazeve të teravive, në mexhliset e këndimit të Kur’anit Famëlartë dhe të mësim-besimit, është pa dyshim një tregues i shkëlqyer i një gjallërie, që ata japin në këtë muaj të Begatë të Ramazanit.

Në fund të iftarit, të pranishmit bënë dua-lutjen e sofrës së begatë.

Veprimtaria e sofrës së iftareve të vëllazërisë me mejtepet do të vijojë edhe në disa xhami dhe qendra të tjera kulturore, të Myftinisë Shkodër.