Sofra e iftarit të vëllazërisë me nxënësit e mejtepit të xhamisë dhe Qendrës Kulturore Barbullush

Sofra e iftarit të vëllazërisë me nxënësit e mejtepit të xhamisë dhe Qendrës Kulturore Barbullush

Ditën e martë, më 11 mars 2025, në ditën e 11-të muajit të begatë të Ramazanit, Myftinia Shkodër, përmes sektorit të arsimit organizoi iftarin e radhës, me nxënësit e mejtepit/kurseve fetare të xhamisë dhe Qendrës Kulturore Barbullush.

Në këtë iftar, përveç pjesëmarrjes së mbi 60 nxënësve të moshave të ndryshme të qendrës, imamit H. Ervis Molla dhe përgjegjëses e mësueses së Qendrës, znj. Suada Tahiri mori pjesë edhe drejtuesi i arsimit, pranë Myftinisë Shkodër, teologu Arben Halluni, i cili përpara çeljes së iftarit, përmes një bisedë të shkurtër u dha nxënësve disa këshilla e mesazhe të dobishme edukative dhe besimore.

Teologu Halluni theksoi rëndësinë e moralit të mirë, përkushtimit në dije e adhurim, duke i nxitur që ta shfrytëzojnë muajin e Ramazanit për reflektim dhe përmirësim shpirtëror, sikurse i nxiti që të jenë shembull në sjellje dhe të vazhdojnë të zgjerojnë dijet e tyre fetare, duke e parë Islamin si një udhërrëfyes për një jetë të dobishme për vete dhe shoqërinë.

Në fund të iftarit, u bë dua-lutja e sofrës si dhe më pas të gjithë të pranishmit falën bashkërisht namazin e akshamit, i cili përfundoi me salavate, dhikër, lutje, etj.

Programi i sofrës së iftareve të vëllazërisë do të vijojë edhe për disa xhami dhe qendra të tjera të Shkodrës.