Sofra e iftarit të vëllazërisë me nxënësit e mejtepit të xhamisë dhe Qendrës Kulturore Mes-Myselim

Sofra e iftarit të vëllazërisë me nxënësit e mejtepit të xhamisë dhe Qendrës Kulturore Mes-Myselim

Ditën e diel, më 23 mars 2025, në ditën e 23-të muajit të begatë të Ramazanit, sektori i arsimit, pranë Myftinisë Shkodër, organizoi veprimtarinë e iftarit të radhës, më nxënësit e mejtepit/kurseve fetare të xhamisë dhe Qendrës Kulturore Mes-Myselim, Njësia Administrative Postribë.

Në këtë iftar, përveç pjesëmarrjes së mbi 45 nxënësve të moshave të ndryshme të Qendrës, mësuesit H. Fatmir Sula, mori pjesë edhe drejtuesi i arsimit, pranë Myftinisë Shkodër, teologu Arben Halluni, i cili përpara çeljes së iftarit, mbajti një bisedë të shkurtër, ku dha disa këshilla e mesazhe të dobishme edukative dhe besimore.

Ai theksoi rëndësinë e moralit të mirë, përkushtimit në dije e adhurim, duke i nxitur që të jenë shembull i të mirës në familje, në shoqëri dhe kudo.

Në fund të iftarit, u bë dua-lutja e sofrës si dhe më pas të gjithë të pranishmit falën bashkërisht namazin e akshamit, i cili përfundoi me salavate, dhikër, lutje, etj.

Programi i sofrës së iftareve të vëllazërisë me mejtepet dhe qendrat islame është zhvilluar gjatë këtij muaji në Shirq-Mushan, Krye-Bushat, Barbullush, Oblikë, Mes-Myselim, etj.