Edukimi veror përfshin edhe nxënësit e xhamive Kuç e Kosmaç

Edukimi veror përfshin edhe nxënësit e xhamive Kuç e Kosmaç

Myftinia Shkodër, përmes sektorit të arsimit, po vazhdon me ritme të larta organizimin e kurseve verore intensive në xhamitë e qytetit dhe fshatrave. Këto ditë, nismës edukativo-fetare-argëtuese i janë shtuar edhe xhamitë Kuç dhe Kosmaç, duke përfshirë dhjetëra fëmijë të moshave të ndryshme në një atmosferë dinamike dhe plot gjallëri.

Programi i kurseve përfshin mësimin e bazave të fesë islame, leximin dhe shkrimin e Kur’anit Famëlartë, si dhe njohjen me besimet, adhurimet dhe moralin islam. Krahas aspektit fetar, kurset pasurohen me aktivitete të larmishme edukative dhe zbavitëse, të cilat ndikojnë pozitivisht në formimin moral, shpirtëror dhe shoqëror të fëmijëve.

Ditët e fundit, pikërisht më 15 dhe 16 korrik 2025 këto xhami janë vizituar nga teologu Arben Halluni, drejtues i arsimit në Myftininë Shkodër, i cili u takua me fëmijët dhe mësuesit përkatës, H. Taksim Plori dhe H. Sami Plori. Në këtë vizitë, ai ndau me pjesëmarrësit disa këshilla të vlefshme mbi rëndësinë e diturisë, edukatës së mirë dhe sjelljes së denjë në m të gjithë njerëzit në përgjithësi.

Ky program me kurse intensive verore synon të jetë jo vetëm një mbështetje për edukimin fetar të brezit të ri, por edhe një hapësirë e dobishme në aspektin komunitar dhe zbavitës.