Sofra e iftarit të vëllazërisë me nxënësit e mejtepit të xhamisë Shirq-Mushan

Sofra e iftarit të vëllazërisë me nxënësit e mejtepit të xhamisë Shirq-Mushan

Ditën e xhuma, më 6 mars 2026, në ditën e 16-të të muajit të Begatë të Ramazanit, sektori i arsimit, pranë Myftinisë Shkodër, organizoi veprimtarinë e iftarit të radhës më nxënësit e mejtepit të xhamisë Shirq-Mushan, Njësia Administrative Dajç.

Në këtë iftar, përveç pjesëmarrjes së rreth 30 nxënësve të mejtepit të moshave të ndryshme, imamit dhe mësuesit të përkushtuar H. Kujtim Cufaj, mori pjesë edhe drejtuesi i arsimit, pranë Myftinisë Shkodër, teologu Arben Halluni, i cili përpara çeljes së iftarit, dha disa këshilla të dobishme edukative për fëmijët si dhe bëri dua-lutjen e sofrës së begatë të iftarit, që ishte përgatitur nga vetë nxënëset e kursit fetar.

Teologu Halluni shprehu urimet e tij të përzemërta për këtë muaj më plot mirësi dhe devotshmëri.

Në fund të iftarit, u bë lutja e sofrës  si dhe më pas u falë namazi i akshamit.

Programi i sofrës së iftareve të vëllazërisë me mejtepet dhe qendrat islame do të vazhdojë mëtej gjatë këtij muaji të Begatë të Ramazanit.