Ceremonia e Hatmes Sherife në Natën e Madhe të Kadrit

Ceremonia e Hatmes Sherife në Natën e Madhe të Kadrit

Ditën e mërkurë, më  26 mars 2025, pas namazit të iqindisë, në xhaminë e Parrucës, u zhvillua ceremonia e Hatmes Sherife.

Nga dita e parë e agjërimit të muajit të Ramazanit e deri në prag të Natës së Madhe të Kadrit, me praninë e disa imamëve dhe të xhematit, u lexua plotësisht Kur’ani Famëlartë.

Fjalën e hapjes e mbajti teologu Arben Halluni, i cili uroi të pranishmit e shumtë me rastin e Natës së Kadrit dhe të mbylljes së Mukabeles,

Më pas, përshëndeti Myftiu i Shkodrës, Imam Muhamed Sytari, i cili në fjalën e mbajtur me rastin e kësaj ceremonie, theksoi se Kur’ani Famëlartë është një mirësi hyjnore dhe një garanci besimi e adhurimi për ymetin islam. Ai u lut që Zoti, me mëshirën e Tij, ta bëjë Kur’anin pikëreferimi për muslimanët e mbarë botës dhe mëshirë dhe udhëzim për mbarë njerëzimin.

Në vijim të këtij aktiviteti, imamët e nderuar, plotësuan Hatmen Sherife, me leximin e sureve të fundit dhe dua-lutjen nga Myftiu i Shkodrës.

Të pranishmit, pas Hatmes Sherife dhe leximit të Kur’anit Famëlartë, u ndanë duke uruar njëri-tjetrin për pranimin e lutjeve dhe adhurimeve të kryera gjatë këtij muaji të Begatë.