Ekskursione dhe veprimtari argëtuese në Tiranë dhe Prizren me nxënësit e mejtepeve të Dy Vajzat, Draçin dhe Muriqan

Ekskursione dhe veprimtari argëtuese në Tiranë dhe Prizren me nxënësit e mejtepeve të Dy Vajzat, Draçin dhe Muriqan

Në fundjavën e datave 24–25 maj 2025, sektori i arsimit, pranë Myftinisë Shkodër zhvilloj disa ekskursione dhe veprimtari edukative e argëtuese me pjesëmarrjen e fëmijëve të mejtepeve/kurseve fetare të xhamive “Dy Vajzat” dhe “Draçin” në Tiranë, si dhe të nxënësve të mejtepit të xhamisë së Muriqanit, në një udhëtim drejt qytetit historik të Prizrenit.

Fëmijët e mejtepeve të xhamive “Dy Vajzat” dhe “Draçin”, nën kujdesin e mësueses znj. Emine Alushi (Nasufi) shprehën dëshirën për të vizituar Xhaminë e Namazgjasë në Tiranë dhe për të kaluar momente çlodhëse pranë liqenit të Paskuqanit. Atmosfera ishte e ngrohtë, e mbushur me buzëqeshje, lojëra dhe energji pozitive nga fëmijët.

Gjatë qëndrimit në natyrë, u ofruan edhe qerasje të ndryshme për fëmijët, duke shtuar edhe më shumë gëzim në mesin e tyre.

Në liqenin e Paskuqanit u organizuan edhe lojëra argëtuese dhe aktivitete grupore që forcuan lidhjet mes fëmijëve dhe krijuan kujtime të bukura për të gjithë pjesëmarrësit.

Një tjetër grup i nxënësve të mejtepit të xhamisë së Muriqanit, nën kujdesin e mësuesit dhe imamit z. Ajet Suka zhvilloi një ekskursion edukativ në qytetin e Prizrenit, ku vizituan vende historike, xhami karakteristike osmane, etj, duke e bërë këtë udhëtim me vlera të dobishme.