Takim dhe veprimtari me nxënësit e mejtepit të xhamisë Shirq-Mushan
Myftinia Shkodër, përmes sektorit të arsimit zhvilloi më 31 janar 2025, pas namazit të xhumasë, një takim më nxënësit e mejtepit të xhamisë Shirq-Mushan, në prani të imamit të përkushtuar dhe të palodhur, H. Kujtim Cufaj.
Përgjegjësi i arsimit, teologu Arben Halluni i pranishëm në organizimin e këtij takimi, fillimisht zhvilloi një bisedë fetare, ku foli për rëndësinë dhe vlerën që ka organizimi i kurseve fetare, sidomos me fëmijët dhe brezin e të rinjve, dhe në këtë kontekst kërkoi më shumë bashkëpunim edhe nga ana e prindërve për të edukuar bashkërisht fëmijët e tyre më frymën e besimit, të adhurimit dhe moralit më të mirë islam.
Kjo veprimtari arsimore, në të cilën u zhvillua edhe një konkurs fetar në mes të nxënësve, u mbyll me shpërndarjen e dhuratave për secilin nxënës dhe nxënëse si dhe me një koktejl të përgatitur enkas për këtë rast.
