Ftesë për kontribut!
Restaurimi i xhamisë shekullore të fshatit Drisht, Postribë
Myftinia Shkodër hap fushatën bamirëse për restaurimin e xhamisë shekullore të fshatit Drisht, Postribë.
Xhamia e fshatit Drisht është ndër xhamitë më të vjetra, të cilat Evlija Çelebija (1611 – 1682) e radhit si xhamitë e ndërtuara para 350 viteve. Kjo xhamia përmendet edhe në Kanunin e Lek Dukagjinit si vend kuvendi, gjë që dëshmon për vjetërsinë e saj shekullore.
Kjo fushatë për restaurimin e xhamisë shekullore të fshatit Drisht vjen pas shumë përpjekjeve, që Myftinia Shkodër ka ndjekur në mënyrë ligjore për pastrimin dhe lirimin e vakëfit të zaptuar, por të cilat kanë qenë të pa suksesshme.
Periudha komuniste shkatërroi dhe tjetërsoi vakëfe të panumërta në Shqipëri, ku edhe vakëfi i xhamisë së Drishtit nuk i shpëtoi dot kësaj masakre të paparë ndonjëherë, saqë edhe pse kanë kaluar 35 vite nga rrëzimi i atij sistemi, akoma edhe sot nuk ka marrë zgjidhje ky problem shumë i rëndësishëm për komunitetin e muslimanëve të Shqipërisë, me gjithë ardhjen dhe largimin e qeverive të majta e të djathta.
Duke u ndodhur para një situate të tillë, ku xhamia e Drishtit ndodhet në një gjendje tejet të amortizuar, Myftinia Shkodër u bën thirrje, në radhë të parë banorëve të fshatit Drisht, Postribës, Shkodrës dhe kujtdo tjetër, që ka dëshirë të jetë pjesë e kësaj fushate dhe pjesë e hadithit të Pejgamberit (a.s), i cili thotë: “Kush ndërton një xhami për hir të Allahut, Allahu i ndërton atij një shtëpi në xhenet!”
Restaurimi i xhamisë do të përfshijë:
– Rregullimin e plotë të çatisë,
– Suvatimet e mureve të brendshme dhe të jashtme,
– Ndërtimin e minares të shkatërruar gjatë periudhës komuniste,
– Ndërtimin e abdeshanes së munguar,
– Sistemimin e oborrit.
Bëhuni pjesë e kësaj bamirësie me shpërblim të madh tek Allahu i Madhëruar.
Për të kontribuar mund të kontaktoni:
Myftinia Shkodër: Cel/whatsapp: +355 67 455 3880
Lavdrim Hamja: Cel/whatsapp: +355 69 229 3069
Kontributin tuaj mund ta kryeni pranë zyrë së Myftinisë Shkodër, ose ta dërgoni në llogarinë bankare të Myftinisë Shkodër:
United Bank of Albania – Branch Shkoder
MYFTINIA SHKODER – FONDE BAMIRESIE
Nr. IBAN LEK:
AL11-2035-1102-2010-1521-1100-0546
Nr. IBAN USD:
AL50-2035-1102- 2010-1401-1100-0543 | SIWFT CODE: AAISALTR
Nr. IBAN EUR:
AL61-2031-0025-1702-0015-0000-0210 | SIWFT CODE: AAISALTR
