Ekskursion i radhës në Tiranë më nxënësit e mejtepit të xhamisë Shtoj i Ri

Ekskursion i radhës në Tiranë më nxënësit e mejtepit të xhamisë Shtoj i Ri

Ditën e diel, më 20 prill 2025, nën kujdesin e sektorit të arsimit, pranë Myftinisë Shkodër u organizua një veprimtari ekskursioni dhe shëtitje në Tiranë me fëmijët e kurseve/mejtepit fetar të xhamisë Shtoj i Ri, me moton: “Të mësojmë dhe të argëtohemi”, me qëllim njohjen dhe afrimin e tyre me historinë dhe vlerat fetare islame të kryeqytetit shqiptar.

Gjatë ekskursionit, nën drejtimin e imamit dhe mësuesit të tyre, H. Ervin Juku nxënësit vizituan disa prej xhamive më të rëndësishme të Tiranës, xhaminë e madhe të Namazgjasë dhe xhaminë shekullore Ethem Beu, ku mësuan rreth historisë dhe rolit të tyre, që kanë luajtur në jetën fetare dhe kulturore tek besimtarët.

Gjatë një dite plotë vizita dhe shëtitje ata patën mundësinë të vizitojnë kalanë e Tiranës, kopshtin zoologjik dhe të argëtohen më lojëra të larmishme dhe argëtuese.