Mexhlis leximi dhe studimi në xhaminë Luarzë, kushtuar Lindjes së Begatë të Hz. Muhammedit (a.s)

Mexhlis leximi dhe studimi në xhaminë Luarzë, kushtuar Lindjes së Begatë të Hz. Muhammedit (a.s)

Në kuadër të përkujtimit të Lindjes së Begatë (Mevludit Sherifë)  të Pejgamberit Muhammed (a.s), Myftinia Shkodër, përmes sektorit të arsimit, ditën e mërkurë, më 3 shtator 2025, organizoi një mexhlis leximi dhe studimi të haditheve profetike në xhaminë e Luarzit, Njësia Administrative Velipojë.

Në këtë aktivitet morën pjesë nxënësit e mejtepit/kursit fetar, nën kujdesin e mësuesit H. Taksim Plori.

Gjatë mexhlisit të leximit, drejtuesi i arsimit pranë Myftinisë, teologu Arben Halluni, solli komente dhe nxori mësime shpirtërore të vlefshme nga disa prej haditheve të Pejgamberit (a.s).

Këto mexhlise do të vijojnë edhe në mejtepet e xhamive të tjera, me synimin për të thelluar njohuritë islame dhe për të forcuar lidhjen shpirtërore të nxënësve me mësimet profetike.