Xhamia Bardhaj, aktivitet më fëmijët në prag të Muajit të Madhëruar të Ramazanit

Xhamia Bardhaj, aktivitet më fëmijët në prag të Muajit të Madhëruar të Ramazanit

Me rastin e ardhjes së muajit të madhërueshëm të Ramazanit, nxënësit e Qendrës Kulturore, pranë xhamisë Bardhaj, nën drejtimin e hoxhës së nderuar, Ilir Dizdari dhe bashkëshortes së tij znj. Aurelda Dizdari, zhvilluan një aktivitet të veçantë fetaro-edukativ.

Në një atmosferë të mbushur me emocion dhe përkushtim, nxënësit përcollën mesazhe të bukura përmes recitimeve, ilahive dhe fjalëve kushtuar vlerave të muajit të Begatë të Ramazanit.

Programi u karakterizua nga thjeshtësia dhe sinqeriteti i fëmijëve, të cilët me zërat e tyre të pastër sollën mesazhe dashurie, paqeje, respekti dhe mirësie.

Ky aktivitet u organizua nën kujdesin e sektorit të arsimit pranë Myftinisë Shkodër.