Nxënësit e mejtepeve fetare përkujtojnë 1-vjetorin e konstruksionit të xhamisë së Plumbit

Nxënësit e mejtepeve fetare përkujtojnë 1-vjetorin e konstruksionit të xhamisë së Plumbit

Në kuadër të përkujtimit të 1-vjetorit të rihapjes së Xhamisë së Plumbit, pas rikonstruksionit të saj, sektori i arsimit pranë Myftinisë Shkodër, ditën e shtunë më 2 maj 2026 organizoi një aktivitet të veçantë me pjesëmarrjen e nxënësve të kurseve fetare nga Qendra Kulturore Krye-Bushat, xhamia Shkjezë, xhamia Ura e Bunës dhe xhamia Kullaj.

Aktiviteti nisi me pritjen e nxënësve të mejtepeve dhe një vizitë në ambientet e jashtme dhe të brendshme të xhamisë, duke u njohur nga afër me vlerat historike dhe shpirtërore të saj.

Programi vijoi me lexim Kur’ani dhe recitime të përzgjedhura nga nxënësit, të cilat krijuan një atmosferë të ngrohtë dhe reflektuese për të gjithë të pranishmit.

Në fjalën e tij përshëndetëse, drejtuesi i arsimit, teologu Arben Halluni, vlerësoi rëndësinë e edukimit fetar dhe rolin e xhamisë si vatër e dijes dhe e formimit moral të brezave të rinj.

Teologu Halluni bëri një falënderim të veçantë për të gjithë pjesëmarrësit dhe kryesisht për mësuesit H. Ridvan Luzaku, H. Sami Plori dhe H. Ardin Selhani për përkushtimin e tyre të vyer në aspekt të edukimit të fëmijëve më vlerat e besimit dhe moralit

Pas faljes së namazit të drekës, aktiviteti vijoi me qerasje simbolike dhe një foto e përbashkët për të përmbyllur këtë aktivitet të bukur.